20 വര്‍ഷത്തിനുശേഷം കണ്ടുമുട്ടിയ മകളെ പിതാവ് ബലാത്സംഗം ചെയ്തു

By Anwar Sadath

Updated: Tuesday, February 9, 2016, 9:01 [IST]

സിഡ്‌നി: 20 വര്‍ഷങ്ങള്‍ക്കുശേഷം കണ്ടുമുട്ടിയ പിതാവ് തന്നെ ബലാത്സംഗം ചെയ്‌തെന്ന പെണ്‍കുട്ടിയുടെ പരാതിയില്‍ കോടതി 3 വര്‍ഷത്തെ ശിക്ഷ വിധിച്ചു. ഓസ്‌ട്രേലിയയിെ മെല്‍ബണിലാണ് സംഭവം. വളരെ ചെറുപ്പത്തില്‍തന്നെ തങ്ങളെ വേര്‍പിരിഞ്ഞ പിതാവിനെ പെണ്‍കുട്ടിതന്നെയാണ് കഷ്ടപ്പെട്ട് കണ്ടുപിടിച്ച് വീട്ടിലേക്ക് കൊണ്ടുവന്നത്. എന്നാല്‍, മകളെ കണ്ടുമുട്ടിയ പിതാവ് ചെയ്തതാകട്ടെ ക്രൂരതയും.

2014ലാണ് പെണ്‍കുട്ടി ക്യൂന്‍സ്ലാന്‍ഡില്‍ കഴിയുകയായിരുന്ന പിതാവിനെ കണ്ടെത്തുന്നത്. പിന്നീട് വീട്ടിലേക്ക് ക്ഷണിക്കുകയും ചെയ്തു. നേരത്തെ അടിപിടിക്കേസില്‍ ജയിലില്‍ കിടന്നയാളാണ് അച്ഛനെന്ന് അറിഞ്ഞുതന്നെയാണ് താന്‍ വീട്ടിലേക്ക് ക്ഷണിച്ചിരുന്നതെന്ന് പെണ്‍കുട്ടി പറഞ്ഞു. അച്ഛന്‍ നല്ല മനുഷ്യനായിട്ടുണ്ടാകുമെന്ന വിശ്വാസത്തിലായിരുന്നു താന്‍.

അച്ഛനെ ആദ്യമായി കാണുന്നതിന്റെ അതിയായ സന്തോഷവും തനിക്കുണ്ടായിരുന്നു. മറ്റൊരു സ്ത്രീയിലുണ്ടായ മകനും നിലവിലെ പങ്കാളിയുമൊത്താണ് പിതാവ് തന്നെയും അമ്മയേയും കാണാനെത്തിയത്. എന്നാല്‍, വീട്ടില്‍ ആരുമില്ലാത്ത മുഹുര്‍ത്തത്തില്‍ അച്ഛന്‍ ബലമായി കയറിപ്പിടിക്കുകയും ബലാത്സംഗം ചെയ്യുകയുമായിരുന്നെന്ന് പെണ്‍കുട്ടി പറഞ്ഞു.

അച്ഛന്റെ പ്രവര്‍ത്തിയില്‍ താന്‍ ഞെട്ടിപ്പോയെന്നും മാനസിക നില തകര്‍ന്നുപോയെന്നും പെണ്‍കുട്ടി കോടതിയില്‍ വിചാരണയ്ക്കിടെ പറഞ്ഞു. കുറ്റക്കാരനെന്ന് കണ്ടെത്തിയിതിനെ തുടര്‍ന്ന് പ്രതിക്ക് കോടതി നാലുവര്‍ഷമായിരുന്നു ശിക്ഷ വിധിച്ചത്. പിന്നീട് മേല്‍ക്കോടതിയില്‍ അപ്പീല്‍ നല്‍കിയതിനെ തുടര്‍ന്ന് 3 വര്‍ഷമായി കുറയ്ക്കുകയായിരുന്നു.