അബുദാബി: സ്വദേശി യുവതിയുമായി ബന്ധം, പ്രവാസിയ്ക്ക് തടവ് ശിക്ഷ
അബുദാബി: സ്വദേശി യുവതിയുമായി അവിഹിതബന്ധം പുലര്ത്തിയ പ്രവാസിയെ നാടുകടത്താന് തീരുമാനം. രണ്ട് മാസത്തെ ജയില് ശിക്ഷയ്ക്ക് ശേഷം നാടുകടത്താനാണ് തീരുമാനം. കീഴ്്ക്കോടതി വിധിയ്ക്കെതിരെ മേല്ക്കോടതിയെ യുവാവ് സമീപിച്ചിരുന്നു
എന്നാല് യുഎഇ സുപ്രീം ഫെഡറല് കോടതിയും ശിക്ഷ ശരിവയ്ക്കുകയായിരുന്നു. വ്യഭിചാരക്കുറ്റമാണ് യുവാവിനെതിരെ ചുമത്തിയിരിയ്ക്കുന്നത്. കേസ് പരിഗണിച്ച കീഴ്ക്കോടതി യുവാവിനെ ആദ്യം ശിക്ഷിച്ചത് ഒരു വര്ഷത്തെ തടവിനാണ്. ഇതിനെതിരെ അപ്പീല് സമര്പ്പിയ്ക്കുകയും രണ്ട് മാസത്തെ തടവായി കുറയ്ക്കുകയും ചെയ്തു.
എന്നാല് ഈ ശിക്ഷയും കുറയ്ക്കാന് യുവാവ് ശ്രമം നടത്തി. ഇതിനായി യുഎഇ ഫെഡറല് സുപ്രീം കോടതിയെ സമീപിച്ചു. യുവാവിന്റെ ഹര്ജി തള്ളിയ കോടതു കീഴ്ക്കോടതി വിധി ശരിവച്ചു. രണ്ട് മാസത്തെ ജയില് ശിക്ഷയ്ക്ക് ശേഷം ഇയാളെ നാടുകടത്തും. പ്രവാസിയെപ്പറ്റിയുള്ള കൂടുതല് വിവരങ്ങള് പുറത്ത് വിട്ടിട്ടില്ല.