രണ്ടുവര്ഷമായി കൂട്ട ബലാത്സംഗത്തിനിരയായതായി അധ്യാപികയുടെ പരാതി
ഫരീദാബാദ്: കഴിഞ്ഞ രണ്ടുവര്ഷമായി താന് ബലാത്സംഗത്തിനിരായെന്ന് യുവതിയുടെ പരാതി. ഹരിയാനയിലെ ഫരീദാബാദ് സ്വദേശിനിയായ അധ്യാപികയാണ് മാതാപിതാക്കളോട് ബലാത്സംഗത്തെക്കുറിച്ച് അറിയിച്ചത്. യുവതി ഇപ്പോല് ഗുരുതരമായ പരിക്കുകളോടെ ആശുപത്രിയില് ചികിത്സയിലായതിനാല് പോലീസ് കേസ് രജിസ്റ്റര് ചെയ്തിട്ടില്ല.
യുവതിയുടെ സ്വകാര്യ ഭാഗങ്ങളില് ഗുരുതരമായ പരിക്കേറ്റിട്ടുണ്ടെന്നും രണ്ടുദിവസത്തിനുള്ളില് പോലീസിന് മൊഴി നല്കാന് സാധിക്കുമെന്നുമാണ് ഡോക്ടര്മാര് അറിയിച്ചിട്ടുള്ളത്. ദില്ലി സുഖദേവ് നഗറിലുള്ള ഒരു സ്വീറ്റ്സ് ഷോപ്പ് ഉടമയും, ഇയാളുടെ രണ്ടു സഹോദരന്മാരും, മറ്റൊരു സുഹൃത്തും രണ്ടുവര്ഷമായി ലൈംഗിക പീഡനത്തിന് ഇരയാക്കിയെന്നാണ് യുവതി രക്ഷിതാക്കളെ അറിയിച്ചത്.
ഫരീദാബാദ് ഛത്രവാല സ്വദേശിനിയാണ് യുവതി. ഇവര് എങ്ങിനെയാണ് കടയുടമയുടെ കൈയ്യില്പെട്ടത് എന്നതുള്പ്പെടെയുള്ള കാര്യങ്ങള് ദുരൂഹമാണ്. ആശുപത്രിയില് വെച്ച് മൊഴിയെടുക്കാന് കഴിഞ്ഞാല് കൂടുതല് വിവരങ്ങല് ലഭിക്കുമെന്ന പ്രതീക്ഷയിലാണ് പോലീസ്. മൊഴി നല്കാത്തതിനാലാണ് എഫ്ഐആര് രജിസ്റ്റര് ചെയ്യാതിരിക്കുന്നത്.
ഫരീദാബാദ് പോലീസ് കേസ് രജിസ്റ്റര് ചെയ്താല് ദില്ലി പോലീസിന് കൈമാറും ദില്ലി സരിത വിഹാര് പോലീസ് സ്റ്റേഷന് പരിധിയിലാണ് സംഭവം നടക്കുന്നത്. സ്ത്രീയെ ലൈംഗിക ദൃശൃങ്ങള് കാട്ടി ഭീഷണിപ്പെടുത്തിയാണ് ഇത്രയുംനാള് ബലാത്സംഗത്തിനിരയാക്കിയതെന്നാണ് പോലീസ് നല്കുന്ന സൂചന.