യാഹൂവില് ലൈംഗിക പീഡനമെന്ന് പരാതി
കാലിഫോര്ണിയ: ഇ - മെയില് സേവനദാതാക്കളും സെര്ച്ച് എഞ്ചിന് ഭീമന്മാരുമായ യാഹുവില് കരിയര് മെച്ചപ്പെടുത്താന് സെക്സിന് വഴങ്ങണോ. യാഹൂവിലെ ഉന്നത ഉദ്യോഗസ്ഥ സ്വവര്ഗരതിക്ക് വഴങ്ങണമെന്ന് ആവശ്യപ്പെട്ടു എന്ന പരാതിയുമായി കോടതിയെ സമീപിച്ചിരിക്കുകയാണ് ഇവരുടെ കീഴ്ജീവനക്കാരി. യാഹൂ മൊബൈലിന്റെ എഞ്ചിനീയറിംഗ് ഡയറക്ടറായ മരിയ ഷാങിനെതിരെയാണ് പരാതി.
കാലിഫോര്ണിയ സാന് ജോസിലെ സാന്താ ക്ലാര സുപ്പീരിയര് കോടതിയിലാണ് മരിയ ഷാങിനെതിരെ പരാതി കിട്ടിയിരിക്കുന്നത്. ഷാങിന്റെ കീഴ്ജീവനക്കാരിയായ നാന് ഷിയാണ് പരാതിക്കാരി. യാഹൂവില് സോഫ്റ്റ് വെയര് എഞ്ചിനീയറാണ് ഇവര്. 2013 ഫെബ്രുവരിയിലാണ് ഇവര് യാഹൂവില് ചേര്ന്നത്. ജൂലൈ എട്ടിനാണ് മരിയ ഷാങിനെതിരെ നാന് ഷി കോടതിയിലെത്തിയത്.
വദനസുരതത്തിനും ഡിജിറ്റല് സെക്സിനും മരിയ ഷാങ് തന്നെ നിര്ബന്ധിച്ചു എന്നാണ് നാന് ഷി പരാതിയില് പറയുന്നത്. തനിക്ക് വഴങ്ങിയാല് യാഹുവില് നല്ല കരിയര് ഉണ്ടാക്കിത്തരാം എന്ന് ഷാങ് തനിക്ക് വാഗ്ദാനം നല്കി എന്നും ഷി പറയുന്നു. കാലിഫോര്ണിയയിലെ സണ്ണിവെയ്ല് ഓഫീസില് വച്ച് പലതവണ ഷാങ് തന്നെ സെക്സിന് നിര്ബന്ധിച്ചു.
യാഹൂവിനെയും പ്രതി ചേര്ത്താണ് പരാതി. യാഹൂവില് പരാതി നല്കിയപ്പോള് ഷാങിനെിരെ അന്വേഷണം നടത്താന് യാഹൂ എച്ച് ആര് വിഭാഗം തയ്യാറായില്ല എന്നും പരാതിക്കാരി ആരോപിക്കുന്നു. പകരം തന്നെ ലീവില് വിടുകയും പിന്നീട് പിരിച്ചുവിടുകയുമായിരുന്നു. എന്നാല് ഷാങിനെതിരായ പരാതി വാസ്തവ വിരുദ്ധമാണ് എന്ന് യാഹൂ വക്താവ് ഇ മെയിലിലൂടെ അറിയിച്ചു.