അച്ഛന്‍റെ പീഡനം സഹിയ്ക്കാതെ കാമുകനെ കണ്ടെത്തി ഒടുവില്‍ കാമുകനും

ദില്ലി: ദില്ലി മെട്രോ സ്‌റ്റേഷനില്‍ സംശയാസ്പദമായ സാഹചര്യത്തില്‍ കണ്ടെത്തിയ പെണ്‍കുട്ടിയ ചോദ്യം ചെയ്ത പൊലീസിന് ലഭിച്ചത് ഞെട്ടിയ്ക്കുന്ന പീഡന കഥകള്‍. പതിനഞ്ചുകാരിയായ പെണ്‍കുട്ടി പീഡനത്തെത്തുടര്‍ന്ന് നാട് വിട്ട്‌പോകുന്നതിനുള്ള തയ്യാറെടുപ്പിലായിയരുന്നു . ഇതിനിടെയാണ് പൊലീസ് പിടിയലായത്. തനിയ്ക്ക് സംരക്ഷണമേകേണ്ട പിതാവ് തന്നെയാണ് കുട്ടിയെ ആദ്യം പീഡിപ്പിച്ചത്. ജീവന് തുല്യം സ്‌നേഹിച്ച സുഹൃത്തായിരുന്നു തുടര്‍ന്ന് പെണ്‍കുട്ടിയ്ക്ക് പീഡന പര്‍വ്വം സമ്മാനിച്ചത്.

15 വര്‍ഷത്തെ തന്റെ ജീവിതത്തെ ഒരു ദുരന്തെമന്നോണം ഓര്‍ത്തെടുക്കുകയാണ് ഈ കൊച്ചു പെണ്‍കുട്ടി. സ്ഥിരമായി മദ്യപിച്ച് എത്തുന്ന അച്ഛന്‍ പലപ്പോഴും തന്നോട് അപമര്യാദയായി പെരുമാറിയെന്ന് പെണ്‍കുട്ടി പറയുന്നു. വീട്ടില്‍ മറ്റ് അംഗങ്ങള്‍ ഇല്ലാത്ത സമയത്ത് സ്‌നേഹപൂര്‍വ്വം അടുത്ത് വിളിച്ച് പീഡിപ്പിയ്ക്കുകയായിരുന്നു പതിവ്. ഇക്കാര്യം എല്ലാവരോടും പറയുമെന്ന് പറഞ്ഞാല്‍ മര്‍ദ്ദനമായിരുന്നു ഫലം.

മോഹിത് എന്ന സുഹൃത്തായിരുന്നു കുട്ടിയുടെ ജീവിത്തില്‍ വില്ലനായത്. സുഹൃത്തിനെ അമിതമായി പെണ്‍കുട്ടി വിശ്വസിച്ചിരുന്നു. സംഭവ ദിവസം കുട്ടിയെ ബുദ്ധ ഗാര്‍ഡനിലേയ്ക്ക് കൂട്ടിക്കൊണ്ടുപോയി യുവാവ് ബലാത്സംഗം ചെയ്തു. സുഹൃത്തിന്റെയും അച്ഛന്റെയും ചതി മനസിലാക്കിയ കുട്ടി പിന്നെ നാടു വിടാന്‍ തീരുമാനിച്ചു. മറ്റെവിടെയെങ്കിലും സുരക്ഷിതമായി ജീവിയ്ക്കണമെന്നായിരുന്നു ആഗ്രഹം. കുട്ടിയുടെ മൊഴിയുടെ അടിസ്ഥാനത്തില്‍ അച്ഛനെയും സുഹൃത്തിനെയും പൊലീസ് അറസ്റ്റ് ചെയ്തു. ദില്ലി ആനന്ദ് പര്‍ബത് സ്വദേശിയാണ് പെണ്‍കുട്ടി.

English summary

A 15-year-old girl has alleged that she was molested by her father and then raped by her friend in central Delhi’s Anand Parbat area on Friday.