മാറിടം ഛേദിക്കുമെന്ന് മതഭ്രാന്തന്മാരുടെ ഭീഷണി; പൂര്ണ നഗ്നയായി നടിയുടെ മറുപടി
പാരിസ്: സ്ത്രീ സ്വാതന്ത്ര്യത്തിന് എല്ലാ തരത്തിലുമുള്ള കടിഞ്ഞാണിടുന്ന ഇറാനിലെ ഇസ്ലാം യാഥാസ്ഥികര്ക്ക് കനത്ത മറുപടി നല്കി ഹോളിവുഡ് താരം ഗോള്ഷിഫ്തെ ഫര്ഹാനി. ഇറാന് സ്വദേശിയായ ഫര്ഹാനിക്കെതിരെ നേരത്തെ മത അധികാരികള് മാറിടം ഛേദിക്കുമെന്ന ഭീഷണി മുഴക്കിയിരുന്നു. ഒരു വീഡിയോയില് മാറിട പ്രദര്ശനം നടത്തിയതിനായിരുന്നു അത്.
എന്നാല്, അത്തരം ഭീഷണികള് തന്നെ ഒരു തരത്തിലും ബാധിക്കുന്നില്ലെന്നും അസ്വസ്ഥയാക്കുന്നില്ലെന്നും പ്രഖ്യാപിച്ച് നടി കഴിഞ്ഞദിവസം പൂര്ണ നഗ്നയായി പ്രത്യക്ഷപ്പെട്ടു. ഫ്രഞ്ച് മാഗസിന് 'ഇഗോയിസ്റ്റേ'ക്കു വേണ്ടിയാണ് ഫര്ഹാനി ഉടുതുണിയൊന്നുമില്ലാതെ പ്രത്യക്ഷപ്പെട്ട് ആരാധകരെ കോരിത്തരിപ്പിച്ചത്.
2012ല് ഫ്രാന്സ് ഫിലിം അവാര്ഡിന്റെ പരസ്യത്തിനു വേണ്ടി നിര്മ്മിച്ച വീഡിയോയില് നഗ്നയായി പ്രത്യക്ഷപ്പെട്ടതോടെയാണ് ഫര്ഹാനി ഇറാന് സര്ക്കാരിന്റെയും മതയാഥാസ്ഥികരുടെയും കണ്ണിലെ കരടായത്. മാറിടം ഛേദിച്ച് പിതാവിന് കാഴ്ചവെക്കുമെന്നായിരുന്നു ഇവര്ക്കെതിരായ ഭീഷണി. കടുത്ത ഭീഷണി നേരിടേണ്ടിവന്നതോടെ അവര് ഭര്ത്താവിനൊപ്പം ഫ്രാന്സില് സ്ഥിരതാമസമാക്കുകയും ചെയ്തു.
ഹോളിവുഡ് സിനിമകളിലെ മികച്ച അഭിനയം ഫര്ഹാനിയെ ശ്രദ്ധേയയാക്കിയിരുന്നു. 'ദ പിയര് ട്രീ' എന്ന ചിത്രത്തിലൂടെ 1998ലാണ് അവര് സിനിമയില് അരങ്ങേറ്റം കുറിച്ചത്. 'ബോഡി ഓഫ് ലൈസ്' എന്ന ചിത്രത്തില് ടൈറ്റാനിക് ഹീറോ ലിയാനോര്ഡോ കാപ്രിയോയ്ക്ക് ഒപ്പം അഭിനയിച്ച ഫര്ഹാനിക്ക് ഒട്ടേറെ പുരസ്കാരങ്ങളും ലഭിക്കുകയുണ്ടായി.