ലെസ്ബിയന് ദമ്പതിമാരെ ടോയ്ലറ്റില് നിന്ന് പുറത്താക്കി... കാരണം അറിയണ്ടേ...
ലണ്ടന്: നമ്മുടെ നാട്ടില് അത്ര പരിചിതമല്ലെങ്കിലും ലെസ്ബിയന്/ ഗേ ദമ്പതിമാര് ഇംഗ്ലണ്ട് പോലുള്ള രാജ്യങ്ങളില് ഇഷ്ടം പോലെ ഉണ്ട്. സ്വാതന്ത്ര്യം ആഘോഷിക്കുമ്പോഴും അവര് നേരിടുന്ന ചില വെല്ലുവിളികളൊക്കെ ഉണ്ട്. അത്തരമൊരു സംഭവമാണ് ലണ്ടനില് നിന്ന് റിപ്പോര്ട്ട് ചെയ്യുന്നത്.
ലെസ്ബിയന് ദമ്പതിമാരായ ട്രേസി സീറ്റണും കീറ വില്യംസും ഒരു സിനിമ തീയേറ്ററിലെത്തി ടോയ്ലറ്റില് കയറിയതാണ്. എന്നാല് അവിടെ ഉണ്ടായിരുന്ന സുരക്ഷാ ജീവനക്കാരന് ഇവരെ അതി രൂക്ഷമായി ദേഷ്യപ്പെട്ടു. എന്തിനായിരുന്നെന്നോ ഈ ദേഷ്യപ്പെടല്...?
മുടി ബോബ് ചെയ്ത ട്രേസിയേയും കീറയേയും കണ്ടപ്പോള് സുരക്ഷാ ജീവനക്കാരന് കരുതിയത് പുരുഷന്മാരാണെന്നാണ്. സ്ത്രീകളുടെ മൂത്രപ്പുരയില് നിങ്ങള്ക്കെന്ത് കാര്യം എന്ന് ചോദിച്ചായിരുന്നു സെക്യൂരിറ്റിക്കാരന്റെ പ്രകടനം.
എന്നാല് ലെസ്ബിയന് ദമ്പതിമാര് ഇത് കേട്ട് പേടിച്ചിച്ചൊന്നും ഇല്ല. അവര് സെക്യൂരിറ്റിക്കാരന് നേര്ക്ക് തിരിച്ചും ദേഷ്യപ്പെട്ടു.
ഈസ്റ്റ് ലണ്ടനിലെ ഇല്ഫോര്ഡിലെ സിനിമ തീയേറ്ററില് വച്ചായിരുന്നു സംഭവം. ഒച്ചയും ബഹളവും ഒക്കെ ആയപ്പോള് അധികൃതര് ഓടിയെത്തി. അപ്പോഴാണ് എല്ലാവര്ക്കും കാര്യം മനസ്സിലായത്. പിന്നീട് മാപ്പ് പറയലും കാല് പിടിക്കലും ഒക്കെ ആയി.
തെറ്റിദ്ധരിക്കപ്പെട്ട സംഭവത്തില് നഷ്ടപരിഹാരമായി 20 പൗണ്ട് ആണ് അധികൃതര് ട്രേസിക്കും കീറക്കും നല്കാമെന്ന് വാഗ്ദാനം ചെയ്തത് (ഏതാണ്ട് 1900 രൂപ). കൂാതെ രണ്ട് സൗജന്യ സിനിമ ടിക്കറ്റും തീയേറ്റര് ഉടമകള് ഓഫര് ചെയ്തു.