അസംതൃപ്തരായ ഭാര്യമാരുമായി ബന്ധം വേണോ, പരസ്യമായാണ് ചോദ്യം!!!
ഇന്ന് രാവിലെ ഇന്ബോക്സില് കിട്ടിയ മെയിലാണ്. അസംതൃപ്തരായ ഭാര്യമാരുമായി ബന്ധം വേണോ. സുന്ദരിമാരും അസംതൃപ്തകളുമായ ഭാര്യമാരുമായി രഹസ്യ ബന്ധം ആഗ്രഹിക്കുന്നുണ്ടോ എന്നാണ് ചോദ്യം. താല്പര്യമുണ്ടെങ്കില് രജിസ്ട്രേഷന് ഫീസ് കൊടുത്ത് തങ്ങളുടെ വിവരങ്ങള് അപ്ഡേറ്റ് ചെയ്യുക മാത്രമേ വേണ്ടതുള്ളൂ.
യു എ ഇ, ഖത്തര്, ബഹ്റൈന്, കുവൈത്ത്, ഒമാന്, സൗദി അറേബ്യ, ഈജിപ്ത്, മലേഷ്യ തുടങ്ങി ഒട്ടേറെ രാജ്യങ്ങളില് നിന്നുള്ള അസംതൃപ്തരായ ഭാര്യമാര് തങ്ങളുടെ നെറ്റ്വര്ക്കില് ഉണ്ടെന്നാണ് ഈ മെയില് സന്ദേശം പറയുന്നത്. താല്പര്യമുണ്ടെങ്കില് ഇതേ മെയിലിന് മറുപടിയായി രജിസ്ട്രേഷന് ഫീസായ 1600 ദിര്ഹവും പേഴ്സണല് വിവരങ്ങളും കൊടുക്കണം എന്നാണ് പറയുന്നത്.
നല്ല സംസ്കാരമുള്ള, വിദ്യാഭ്യാസമുള്ള പുരുഷന്മാര് മാത്രം താല്പര്യം കാണിച്ചാല് മതി എന്നും മെയിലില് ഉണ്ട്. തങ്ങളുമായി ബന്ധപ്പെടുന്ന സ്ത്രീകളുടെ വിവരങ്ങള് ലഹസ്യമായി സൂക്ഷിക്കുന്നവരും ആയിരിക്കണം. നിങ്ങള് ഇപ്പോള് ഏത് നഗരത്തിലാണ് എന്നതടക്കമുള്ള വിവരങ്ങളാണ് രജിസ്ട്രേഷന് സമയത്ത് കൊടുക്കേണ്ടത്.
അസംതൃപ്തരായ ഭാര്യമാരുടെ നമ്പറുകള് എന്ന പേരില് ഒരു വാട്സ് ആപ്പ് ഗ്രൂപ്പ് കുറച്ച് ദിവസം മുന്പ് ഓണ്ലൈന് ലോകത്ത് കറങ്ങിനടക്കുന്നുണ്ടായിരുന്നു. ഇതിന് പിന്നാലെയാണ് ഈ മെയിലുകള്. ഇത്തരം ഗ്രൂപ്പുകളും പരസ്യങ്ങളും ഓണ്ലൈന് ലോകത്ത് പുതുമയല്ലെങ്കിലും ഇ മെയില് ഐ ഡികളിലേക്ക് ബള്ക്ക് മെയിലുകളായും വന്ന് തുടങ്ങിയിരിക്കുകയാണ് ഇപ്പോള്.