അമേരിക്കയില് യുവാവ് കൂട്ട ബലാത്സംഗത്തിനിരയായി
ന്യൂയോര്ക്ക്: തോക്കിന്മുനയില് നിര്ത്തിയശേഷം യുവാവിനെ ഒരുസംഘം ആള്ക്കാര് ചേര്ന്ന് കൂട്ട ബലാത്സംഗത്തിനിരയാക്കിയതായി പരാതി. അമേരിക്കയിലെ വാഷിങ്ടണ് ഡിസിയില് നിന്നാണ് അപൂര്വമായ റിപ്പോര്ട്ട് പുറത്തുവരുന്നത്. വഴിയിലൂടെ നടന്നുപോകുന്ന യുവാവിനെയാണ് ഏഴോളം പേര് ചേര്ന്ന് കൂട്ട ബലാത്സംഗത്തിനിരയാക്കിയത്. ഇയാളുടെ പ്രായമോ പേരുവിവരങ്ങളോ പുറത്തുവിട്ടിട്ടില്ല.
വഴിയിലൂടെ നടന്നുപോകുമ്പോള് ഒരു വാഹനത്തില് വന്നവര് തന്നെ അതിനുള്ളിലേക്ക് വലിച്ചു കയറ്റി ആള്പാര്പ്പില്ലാത്തിയടത്തുചെന്ന് ബലാത്സംഗം ചെയ്യുകയായിരുന്നെന്ന് ഇയാള് പോലീസിനോട് വ്യക്തമാക്കി. തോക്കിന് മുനയില് നിര്ത്തിയായിരുന്നു ബലാത്സംഗം. 17 മുതല് 27 വരെ പ്രായമുള്ളവരാണ് വാഹനത്തിലുണ്ടായിരുന്നത് എന്നാണ് റിപ്പോര്ട്ട്.
ഗണ്മാനെക്കുറിച്ചുള്ള വിവരം മാത്രമാണ് ബലാത്സംഗ ഇരയ്ക്ക് പോലീസിന് നല്കാനായത്. ഇതാദ്യമായല്ല ഇത്തരത്തിലുള്ള സംഭവം വാഷിങ്ടണ് ഡിസിയില് നടക്കുന്നത്. അമ്പത്തിരണ്ടുകാരനായ മധ്യവയസ്കനെ കഴിഞ്ഞ വര്ഷം ഡിസംബറില് സമാന രീതിയില് ബലാത്സംഗത്തിനിരയാക്കിയിരുന്നു.
അമേരിക്കയില് സ്വവര്ഗരതിക്കാര് വര്ധിച്ചുവരികയാണെന്നാണ് സംഭവം തെളിയിക്കുന്നതെന്ന് പോലീസ് പറഞ്ഞു. പുരുഷന്മാര് ബലാത്സംഗത്തിനിരയാകുന്നത് അപൂര്വമാണെങ്കിലും ഇത്തരം സംഭവങ്ങള് വര്ധിച്ചുവരുന്നത് വളരെ ഗൗരവത്തിലാണ് കാണുന്നതെന്നും മുതിര്ന്ന പോലീസ് ഉദ്യോഗസ്ഥര് മാധ്യമങ്ങളോട് പറഞ്ഞു.