യുവാവിനെ മൂന്ന് സ്ത്രീകള്‍ ചേര്‍ന്ന് കൂട്ടബലാത്സംഗം ചെയ്തു

പോര്‍ട്ട് എലിസബത്ത്: പെണ്‍കുട്ടികളെ കൂട്ട ബലാത്സംഗത്തിന് ഇരയാക്കുന്ന ക്രൂരന്‍മാരായ പുരുഷന്‍മാരെ കുറിച്ച് നാം ഒരുപാട് കേട്ടിട്ടുണ്ട്. എന്നാല്‍ സ്ത്രീകള്‍ കൂട്ടം ചേര്‍ന്ന് ഒരു പുരുഷനെ ബലാത്സംഗം ചെയ്താല്‍ എങ്ങനെയിരിയ്ക്കും?

സംഭവം നടന്നതാണ്. ഇവിടെയല്ല, അങ്ങ് ആഫ്രിക്കയില്‍. മൂന്ന് സ്ത്രീകള്‍ ചേര്‍ന്ന് 33 കാരനായ യുവാവിനെ തട്ടിക്കൊണ്ടുപോയി ബലാത്സംഗം ചെയ്തു. പിന്നീട് വഴിയില്‍ ഉപേക്ഷിയ്ക്കുകയും ചെയ്തു.

ഒരു കറുത്ത ബിഎംഡബ്ല്യൂ കാറിലാണ് സ്ത്രീകള്‍ എത്തിയത്. വഴിചോദിയ്ക്കാനെന്ന ഭാവേന യുവാവിന്റെ അടുത്ത് വണ്ടി നിര്‍ത്തി. വഴി പറഞ്ഞുകൊടുത്തുകൊണ്ടിരിയ്ക്കുമ്പോഴാണ് കൂട്ടത്തില്‍ ഒരു സ്ത്രീ തോക്കുമായി വന്ന് കാറില്‍ നിര്‍ബന്ധിച്ച് കയറ്റിയത്.

ഇവിടെ നിന്ന് അഞ്ഞൂറ് കിലോമീറ്റര്‍ അകലെയുള്ള ഒരു സ്ഥലത്ത് വച്ചാണ് യുവാവിനെ ബലാത്സംഗം ചെയ്തത്. പ്രേമ ചേഷ്ടകള്‍ക്കൊന്നും യുവാവില്‍ ലൈംഗിക വികാരം ഉണ്ടക്കാന്‍ കഴിയാതെ വന്നപ്പോള്‍ എന്തോ ഒരു മരുന്ന് കുടിപ്പിച്ചു എന്നാണ് പറയുന്നത്. മാറി മാറി സ്ത്രീകള്‍ ഇയാളെ ബലാത്സംഗം ചെയ്തു.

ഇത്രയൊന്നും പോരാഞ്ഞിട്ട് ഇയാളുടെ ബീജം ഒരു പ്ലാസ്റ്റിക് കവറില്‍ ശേഖരിച്ച് ശീതീകരിച്ച പെട്ടിയില്‍ നിക്ഷേപിച്ച് തുംകൊണ്ടാണതത്രെ മൂന്ന് സ്ത്രീകളും പോയത്. ഇയാള്‍ ഇപ്പോളും മാനസിക നില വീണ്ടെടുത്തിട്ടില്ല. സമാനമായ സംഭവങ്ങള്‍ ഇപ്പോള്‍ അടിയ്ക്കടി റിപ്പോര്‍ട്ട് ചെയ്യപ്പെടുന്നുണ്ടെന്നാണ് പോലീസ് പറയുന്നത്.

English summary

Man is raped at gunpoint by THREE women so they could collect his semen in a cooler box and 'steal' it in South Africa.