ഉത്തര്‍പ്രദേശില്‍ 7 വയസ്സുകാരനെ രണ്ട് കൗമാരകാര്‍ ലൈംഗികമായി പീഡിപ്പിച്ചു

By Siniya

Published: Sunday, November 15, 2015, 16:32 [IST]

ഉത്തര്‍പ്രദേശ്: പ്രായപൂര്‍ത്തിയാവാത്ത ആണ്‍കുട്ടിയെ രണ്ട് കൗമാരക്കാര്‍ ചേര്‍ന്ന് ലൈംഗികമായി പീഡിപ്പിച്ചു. ഉത്തര്‍പ്രദേശില ബാന്‍സ്‌ദേഹ് റോഡ് ഭാഗത്ത് കഴിഞ്ഞ വെള്ളിയാഴ്ച രാത്രിയായിരുന്നു സംഭവം. ഏഴുവയസ്സുകാരനാണ് പീഡനത്തിനിരയായത്.

ഇതുമായി ബന്ധപ്പെട്ട് പോലിസ് കേസെടുത്തിട്ടുണ്ട്. രണ്ടു കൗമാരക്കാരും ചേര്‍ന്ന് കുട്ടിയെ ആളൊഴിഞ്ഞ സ്ഥലത്തേക്ക് കൊണ്ടുപോയി ലൈംഗികമായി പീഡിപ്പിക്കുകയായിരുന്നു. കുട്ടിയുടെ പെരുമാറ്റത്തില്‍ അസ്വഭാവിക തോന്നിയ രക്ഷിതാക്കള്‍ കാര്യങ്ങള്‍ അന്വേഷിക്കുകയായിരുന്നു. തുടര്‍ന്ന് സംഭവങ്ങള്‍ രക്ഷിതാക്കളോട് വിവരിച്ചു. തുടര്‍ന്ന് ഇവര്‍ പോലിസില്‍ പരാതി നല്‍കി.

പ്രതികളെ തിരിച്ചറിഞ്ഞിട്ടുണ്ട് എന്നാല്‍ ഇതുമായി ബന്ധപ്പെട്ട് ഇവരെ അറസ്റ്റ് ചെയ്തിട്ടില്ലെന്ന് പോലിസ് സൂപ്രണ്ട് അനിസ് അന്‍സാരി പറഞ്ഞു. പോലിസ് അന്വേഷണം ആരംഭിച്ചിട്ടുണ്ട്. പെണ്‍കുട്ടികള്‍ക്ക് പുറമെ ആണ്‍കുട്ടികളുടെയും പീഡനം കൂടിവരുന്നുണ്ടെന്ന് പോലിസ് പറഞ്ഞു.

Published On November 15, 2015