സെക്സ്; സംവിധായകനും നടിക്കുമെതിരേ കേസ്
വേശ്യാവൃത്തിയെക്കുറിച്ചുള്ള സിനിമ സംവിധാനം ചെയ്ത് വിവാദത്തിലായ ഫ്രഞ്ച് മോറോക്കോ സംവിധായകന് നബില് അയോഷിനെതിരെയും സിനിമയിലെ നായിക ലൗബ്ന അബിദാറിനെതിരെയും മൊറോക്കാ പോലീസ് കേസ് ചാര്ജ് ചെയ്തു. അശ്ലീല ചിത്ര നിര്മാണത്തിനാണ് ഇരുവര്ക്കുമെതിരെ കേസെടുത്തിരിക്കുന്നതെന്നാണ് റിപ്പോര്ട്ട്.
നേരത്തെ 'much loved' എന്ന സിനിമ മൊറോക്കോ സര്ക്കാര് നിരോധിച്ചിരുന്നു. നിരോധിച്ചെങ്കിലും ഇത് ഓണ്ലൈനില് ലഭ്യമാണ്. മൊറോക്കോയിലെ വേശ്യാവൃത്തിയെക്കുറിച്ചാണ് സിനിമ പ്രതിപാദിക്കുന്നത്. സിനിമയില് യഥാര്ഥ സംഭവങ്ങളോട് സാമ്യമുള്ള കാര്യങ്ങളാണ് ചിത്രീകരിച്ചതെങ്കിലും അത് രാജ്യത്തെക്കുറിച്ച് മോശം ചിന്താഗതി മറ്റുള്ളവര്ക്കുണ്ടാക്കുന്നതാണെന്നാണ് സര്ക്കാര് വാദം.
മൊറോക്കോയിലെ സ്ത്രീകളെ അപമാനിക്കുന്നതും, രാജ്യത്തിന്റെ സംസ്കാരത്തിന് നിരക്കാത്തും ആണ് സിനിമയെന്ന് ചൂണ്ടിക്കാട്ടി സര്ക്കാര് സിനിമ നിരോധിക്കുകയും ചെയ്തു. ഇതിന് പിന്നാലെ സംവിധായകനെതിരെ മൊറോക്കോയില് പ്രതിഷേധം ഉയരുകയും വധഭീഷണി ഉണ്ടാവുകുയും ചെയ്തു. ഒരു നടനെ പൊതുസ്ഥലത്തുവെച്ച് ആക്രമിക്കുകയും ചെയ്തിരുന്നു.
സൗദിയിലെ കുബേരന്മാര് തങ്ങളുടെ ലൈംഗികദാഹം ശമിപ്പിക്കാന് ലക്ഷക്കണക്കിന് റിയാലുകളാണ് മൊറോക്കന് സ്ത്രീകള്ക്ക് നല്കുന്നത്. ഇക്കാര്യം സിനിമയില് ചൂണ്ടിക്കാട്ടുന്നുണ്ട്. സൗദി റിയാലുകളും അമേരിക്കന് ഡോളറുകളും ആണ് തങ്ങള് കൂടുതല് ഇഷ്ടപ്പെടുന്നതെന്ന സിനിമയിലെ സ്ത്രീ കഥാപാത്രത്തിന്റെ ഡയലോഗും വിവാദമായിരുന്നു.