ഓണ്‍ലൈന്‍ പെണ്‍വാണിഭം: ചുംബന സമര നേതാക്കളായ രശ്മി നായരും രാഹുല്‍ പശുപാലനും പിടിയില്‍

കേരളത്തില്‍ ഏറെ ചര്‍ച്ച ചെയ്യപ്പെട്ട ചുംബന സമരത്തിന്റെ നേതൃസ്ഥാനത്തുണ്ടായിരുന്നവരാണ് രാഹുല്‍ പശുപാലനും രശ്മി ആര്‍ നായരും. ഇവരും പോലീസിന്റെ പിടിയിലായിട്ടുണ്ട്‌.

കാസര്‍കോട്ടെ ഗുണ്ടാത്തലവനായ അക്ബറും ഉള്‍പ്പെടെ എട്ട് പേരാണ് അറസ്റ്റ് ചെയ്യപ്പെട്ടിട്ടുള്ളത്.

അറസ്റ്റിലായവരില്‍ പ്രായപൂര്‍ത്തിയാകാത്ത ഒരു പെണ്‍കുട്ടിയും ഉണ്ടെന്നാണ് റിപ്പോര്‍ട്ട്. ഈ പെണ്‍കുട്ടി ബെംഗളൂരു സ്വദേശിനിയാണ്. അറസ്റ്റിലായവരില്‍ നാല് പേര്‍ സ്ത്രീകളാണ്.

രശ്മി ആര്‍ നായരെ കസ്റ്റഡിയിലെടുക്കാനുളള നീക്കത്തിനിടെ പോലീസുകാരെ വാഹനം ഇടിച്ച് കൊലപ്പെടുത്താന്‍ ശ്രമിച്ചതായും റിപ്പോര്‍ട്ടുകളുണ്ട്. നെടുമ്പാശേരിയില്‍ വച്ചായിരുന്നത്രെ സംഭവം.

പോലീസിനെ അക്രമിയ്ക്കാന്‍ ശ്രമിച്ച കാര്‍ പിടികൂടാന്‍ കഴിഞ്ഞിട്ടില്ല. ഇവരെ പിടികൂടാനുള്ള ശ്രമം തുടരുകയാണ്.

ഇടപാടുകാര്‍ എന്ന രീതിയിലാണ് പോലീസുകാര്‍ പെണ്‍വാണിഭ സംഘത്തെ സമീപിച്ചതെന്നാണ് റിപ്പോര്‍ട്ട്. പോലീസ് ആണെന്ന് തിരിച്ചറിഞ്ഞതോടെയാണ് വാഹനം ഇടിപ്പിച്ച് കൊല്ലാന്‍ ശ്രമിച്ചതെന്നും പറയപ്പെടുന്നു.

അറിയപ്പെടുന്ന മോഡലാണ് രശ്മി ആര്‍ നായര്‍. 'കൗ ബോയ്' മാസികയുടെ മുഖചിത്രമായിവരെ ഇവര്‍ പ്രത്യക്ഷപ്പെട്ടിട്ടുണ്ട്.

അടുത്തിടെയാണ് തന്റെ ഫേസ്ബുക്ക് പേജില്‍ 'ടോപ് ലെസ്' ചിത്രങ്ങള്‍ പോസ്റ്റ് ചെയ്ത് രശ്മി ആര്‍ നായര്‍ വലിയ വിവാദം സൃഷ്ടിച്ചത്.

കൊച്ചു സുന്ദരി എന്ന് ഫേസ്ബുക്ക് പേജിലൂടെ പ്രായപൂര്‍ത്തിയാകാത്ത് പെണ്‍കുട്ടികളുടെ ചിത്രങ്ങള്‍ പോസ്റ്റ് ചെയ്യുകയും അപകീര്‍ത്തികരമായ പരാമര്‍ശങ്ങള്‍ നടത്തുകയും ചെയ്ത സംഭവത്തില്‍ ഏഴ് പേരേയും പോലീസ് അറസ്റ്റ് ചെയ്തിട്ടുണ്ട്.