കുളിമുറിയില്‍ ഒളിഞ്ഞ് നോക്കിയപ്പോള്‍ തല കുടുങ്ങി; പിടിയിലായത് ഷാനവാസിന്റെ ഡ്രൈവര്‍

കോഴിക്കോട്: ഒളിഞ്ഞുനോട്ടം പലര്‍ക്കും ഒരു രോഗം പോലെയാണ്. എല്ലാ നാട്ടിലും ഉണ്ടാകും ഇങ്ങനെ ചിലര്‍. എങ്കിലും കയ്യോടെ പിടിയ്ക്കപ്പെടുന്നവര്‍ കുറച്ചേ ഉണ്ടാകൂ.

രക്ഷപ്പെടാന്‍ ഒരു നിവൃത്തിയും ഇല്ലാതെ കുടുങ്ങിപ്പോയ ഒരു ഒളിഞ്ഞുനോട്ടക്കാരന്റെ വാര്‍ത്തയാണ് കോഴിക്കോട് നിന്ന് വരുന്നത്. കക്ഷി ഒരു എംപിയുടെ ഡ്രൈവറാണെന്നാണ് റിപ്പോര്‍ട്ട്.

കോഴിക്കോട് തൊണ്ടയാട് ആണ് സംഭവം നടന്നത്. അധ്യാപകന്റെ വീട്ടിലെ കുളിമുറിയിലാണ് ഇയാള്‍ ഒളിഞ്ഞ് നോക്കാന്‍ ശ്രമിച്ചത്. ഇതിനിടെ ഗ്രില്ലിനുള്ളില്‍ തല കുടുങ്ങിപ്പോയി. പിന്നെ രക്ഷപ്പെടാനുള്ള ശ്രമമായി.

തല ഗ്രില്ലില്‍ കുടുങ്ങിയതോടെ വീട്ടുകാര്‍ വിവരം അറിഞ്ഞു. നാട്ടുകാരും കൂടി. പിന്നെ എല്ലാവരും കൂടി പിടികൂടി.

ഐക്കരപ്പടി സ്വദേശിയായ നൗഷാദ് ആണ് പിടിയിലായതെന്ന് കൈരളിന്യൂസ് ഓണ്‍ലൈന്‍ റിപ്പോര്‍ട്ട് ചെയ്യുന്നു. വയനാട് എംപിയായ എംഐ ഷാനവാസിന്റെ ഡ്രൈവറാണ് ഇയാള്‍ എന്നും റിപ്പോര്‍ട്ടില്‍ പറയുന്നുണ്ട്.

English summary

Peeping tom caught red handed at Kozhikkode.