പണം കൊടുത്തില്ല; ഇടപാടുകാരനെ 'സ്ത്രീ' പച്ചയ്ക്ക് കത്തിച്ചു
ദുബായ്: 'കാര്യം' സാധിച്ചതിന് ശേഷം പണം നല്കാതെ പോകുന്ന ഇടപാടുകാരെ കുറിച്ച് ലൈംഗിക തൊഴിലാളികള് പലപ്പോഴും പറയാറുണ്ട്. മിക്കപ്പോഴും അവര് നിസ്സഹായരായിരിക്കും. എന്നാല് പണം കൊടുക്കാതെ പറ്റിച്ചയാളെ ജീവനോടെ കത്തിച്ച വാര്ത്തയാണ് ദുബായില് നിന്ന് വരുന്നത്.
കഴിഞ്ഞ ഏപ്രില് 3 നാണ് സംഭവം നടന്നത് കേസ് ഇപ്പോള് ദുബായ് ക്രിമിനല് കോടതിയിലാണ്.
28 കാരിയായ ബംഗ്ലാദേശി സ്ത്രീയാണ് അതിക്രമം കാണിച്ചത്. ഇടപാടുകാരന്റെ വീട്ടില് മോഷണവും നടത്തിയാണ് ഇവര് കടന്നുകളഞ്ഞത്. ഒരു സ്വര്ണമാലയും രണ്ട് മൊബൈല് ഫോണുകളും മോഷ്ടിച്ചു.
സിസിടിവി ദൃശ്യങ്ങളുടെ അടിസ്ഥാനത്തിലാണ് യുവതിയെ പിടികൂടിയത്. കൊല്ലപ്പെട്ടയാളുടെ വീട്ടില് രണ്ട് സുഹൃത്തുക്കള് കൂടി ഉണ്ടായിരുന്നു. ഇവര് ഒരു ഇന്ത്യക്കാരന്റെ സഹായത്തോടെ രണ്ട് ലൈംഗിക തൊഴിലാളികളെ ഫ്ലാറ്റില് എത്തിക്കുകയായിരുന്നു. അല്പ നേരത്തിന് ശേഷം സുഹൃത്തുക്കളും ഒരു സ്ത്രീയും പുറത്ത് പോയി.
ഏറെ നേരത്തിന് ശേഷമാണ് ബംഗ്ലാദേശി യുവതി ഫ്ലാറ്റില് നിന്ന് പുറത്തേയ്ക്ക് പോകുന്നത്. അപ്പോള് തീയും പുകയും ദൃശ്യങ്ങളില് നിന്ന് വ്യക്തമായിരുന്നു. കൊല്ലപ്പെട്ടയാളുടെ സുഹൃത്തുക്കളേയും പോലീസ് പിടികൂടി. ഇവര് കാര്യങ്ങള് പോലീസിനോട് വിശദീകരിച്ചു.
ഫ്ലാറ്റില് നിന്ന് പുക ഉയരുന്നത് കണ്ടാണ് പോലീസ് എത്തിയത്. അപ്പോഴേയ്ക്കും ആള് മരിച്ചുകഴിഞ്ഞിരുന്നു.