പ്രശസ്ത നടിയെ ബലാത്സംഗം ചെയ്ത് വീഡിയോ പിടിച്ചു, ഗായകനെതിരെ കേസ്

ചണ്ഡിഗഡ്: പ്രശസ്ത പഞ്ചാബി നടിയെ കൂട്ടബലാത്സംഗം ചെയ്ത് വീഡിയോ പകര്‍ത്തിയതായി പരാതി. പ്രമുഖ പഞ്ചാബി ഗായകനായ ജര്‍ണൈല്‍ സിംഗ് എന്ന ജെല്ലിയും കൂട്ടരുമാണ് നടിയെ തട്ടിക്കൊണ്ടുപോയി കൂട്ടബലാത്സംഗം ചെയ്തത്. തുടര്‍ച്ചയായ പീഡനമേറ്റ നടി ഗര്‍ഭിണിയായി എന്നും പിന്നീട് അബോര്‍ഷന് വിധേയയാകേണ്ടി വന്നു എന്നും പരാതിയില്‍ പറയുന്നു.

ചണ്ഡിഗഡ് സ്വദേശിനിയായ നടിയെ തട്ടിക്കൊണ്ടുപോയി പീഡിപ്പിച്ച സംഭവത്തില്‍ ജെല്ലിക്കും കൂട്ടര്‍ക്കുമെതിരെ പോലീസ് കേസെടുത്തു. തട്ടിക്കൊണ്ടുപോകല്‍, ബലാത്സംഗം, ശാരീരിക പീഡനം എന്നീ വകുപ്പുകള്‍ ചുമത്തിയാണ് കേസ്. ബലാത്സംഗം ചെയ്തതിന് പുറമേ നടിയുടെ നഗ്ന വീഡിയോ ചിത്രീകരിച്ച് ഓണ്‍ലൈനില്‍ പ്രചരിപ്പിക്കുമെന്ന് ഭീഷണിപ്പെടുത്തിയതായും പരാതിയുണ്ട്.

പഞ്ചാബിയിലെ പ്രശസ്ത ഗായകനാണ് ജെല്ലി എന്ന് വിളിക്കപ്പെടുന്ന ജര്‍ണൈല്‍ സിംഗ്. സിംഗിനും മൂന്ന് കൂട്ടുകാര്‍ക്കും എതിരെയാണ് പോലീസ് കേസെടുത്തിരിക്കുന്നത്. ഇവരുടെ പീഡനത്തെ തുടര്‍ന്ന് നടി ഗര്‍ഭിണിയായിരുന്നത്രെ. എന്നാല്‍ അക്രമികള്‍ ബലം പ്രയോഗിച്ച് നടിയെ ഗര്‍ഭഛിദ്രത്തിന് വിധേയയാക്കി. മൊഹാലിയിലെ ഒരു വീട്ടില്‍ വെച്ച് ജെല്ലിയും കൂട്ടരും തന്നെ മര്‍ദ്ദിക്കുകയും വയറ്റില്‍ തൊഴിച്ച് കൊല്ലാന്‍ ശ്രമിച്ചതായും നടി പോലീസിന് മൊഴി നല്‍കി.

അബോധാവസ്ഥയില്‍ നടിയെ വീട്ടില്‍ ഉപേക്ഷിച്ച് ജെല്ലിയും കൂട്ടരും കടന്നുകളയുകയായിരുന്നത്രെ. ബോധം തിരിച്ചുകിട്ടിയ നടി ഒരു സുഹൃത്തിനെ വിളിച്ച് ആശുപത്രിയിലെത്തുകയായിരുന്നു. ജെല്ലിക്കൊപ്പം സ്വരണ്‍ സിംഗ്, മനിന്ദര്‍ സിംഗ്, ചരണ്‍ പ്രീത് സിംഗ് എന്നിവരാണ് നടിയെ പീഡിപ്പിച്ച സംഘത്തിലുള്ളത്. ഇവര്‍ നാലുപേരും ഇപ്പോള്‍ ഒളിവിലാണ്. പരാതിക്കാരിയായ നടി വിവാഹിതയാണ്. ഭര്‍ത്താവുമായി വേര്‍പിരിഞ്ഞ് ഒറ്റയ്ക്ക് കഴിയുകയാണ് ഇപ്പോള്‍ ഇവര്‍.

English summary

A 30-year-old popular Punjabi actress on Friday allegedly accused Punjabi singer Jarnail Singh alias Jelly and three others over charges of abduction, assault and repeated gangrape. According to media reports, the actress, a resident of Chandigarh, has claimed that the singer and his friends made an MMS of the act and blackmailed her.