നഗ്ന ചിത്രങ്ങള് പകര്ത്തിയതിനെ തുടര്ന്ന് കുട്ടികള് ഹോസ്റ്റല് വിട്ടു
ബെര്ഹാമ്പൂര്: ഹോസ്റ്റലില് വെച്ച് നഗ്ന ചിത്രങ്ങള് പകര്ത്തിയെന്ന് ആരോപിച്ച് കുട്ടികള് കൂട്ടമായി ഹോസ്റ്റല് വാസം ഉപേക്ഷിച്ചു. ഒഡിഷയിലെ ഗന്ജം ജില്ലയിലെ കസ്തൂര്ബാ ഗാന്ധി ബാലികാ വിദ്യാലയത്തിലെ കുട്ടികളാണ് സ്കൂള് ഹോസ്റ്റല് താമസം ഉപേക്ഷിച്ച് രക്ഷിതാക്കള്ക്കൊപ്പം വീടുകളിലേക്ക് മടങ്ങിയത്.
സംഭവത്തില് രണ്ടുപേരെ പോലീസ് അറസ്റ്റ് ചെയ്തിട്ടുണ്ട്. സ്കൂളിലെ അക്കൗണ്ടന്റും പാചകക്കാരനുമാണ് അറസ്റ്റിലായത്. അക്കൗണ്ടന്റിന്റെ നിര്ദ്ദേശപ്രകാരം പാചകക്കാരനാണ് ചിത്രങ്ങള് പകര്ത്തിയത്. പ്രതികളുടെ മൊബൈല് ഫോണില് നിന്നും കുട്ടികളുടെ നഗ്നചിത്രങ്ങള് പോലീസ് കണ്ടെടുത്തു. 22 പൂര്ണ നഗ്നചിത്രങ്ങളും അര്ദ്ധ നഗ്നചിത്രങ്ങളുമാണ് കണ്ടെത്തിയത്.
87 കുട്ടികളാണ് ഹോസ്റ്റലില് താമസിച്ചുവന്നതിരുന്നത്. ഇവരില് 60 പേരും രക്ഷിതാക്കള്ക്കൊപ്പം വീടുകളിലേക്ക് തിരിച്ചുപോയി. എല്ലാ കുട്ടികളും സമൂഹത്തിന്റെ താഴെ തട്ടിലുളളവരാണ്. എസ്.സി, എസ്.ടി, ഒ.ബി.സി. വിഭാഗത്തിലെ ആറ് മുതല് എട്ടുവരെ ക്ലാസിലെ വിദ്യാര്ത്ഥികളാണ് ഇവിടെ താമസിച്ചുവന്നിരുന്നത്. കുട്ടികളെ ലൈംഗികമായി ചൂഷണം ചെയ്തതായും പോലീസ് സംശയിക്കുന്നുണ്ട്.
സംഭവം ഒഡീഷയില് വന് ഒച്ചപ്പാടുണ്ടാക്കിയതോടെ തഹസില്ദാരും മറ്റു ഉദ്യോഗസ്ഥരും സ്കൂള് സന്ദര്ശിച്ച് സ്ഥിതിഗതികള് നിരീക്ഷിച്ചു. കുട്ടികളുടെ സുരക്ഷ ഉറപ്പാക്കാന് വേണ്ടതെല്ലാം ചെയ്യാമെന്ന് അധികൃതര് ഉറപ്പു നല്കി കുട്ടികളുടെ സുരക്ഷയ്ക്കായി ഒരു വനിതാ കോണ്സ്റ്റബിളിനെയും ഹോസ്റ്റലില് നിയോഗിച്ചു.