53കാരന് തുടര്ച്ചയായി മൂന്നുവര്ഷം ബലാത്സംഗം ചെയ്തതായി യുവതിയുടെ പരാതി
താനെ: തുടര്ച്ചയായി മൂന്നുവര്ഷം ബലാത്സംഗം ചെയ്തെന്നുകാട്ടി യുവതി അമ്പത്തിമൂന്നുവയസുള്ളയാള്ക്കെതിരെ പരാതി നല്കി. മഹാരാഷ്ട്ര താനെ ജില്ലയിലെ വാദ പ്രദേശവാസിയാണ് പരാതിക്കാരി. വാശി സ്വദേശിയായ മധ്യവയസ്കന് ഭീഷണിപ്പെടുത്തി ബലാത്സംഗം ചെയ്തെന്നുകാട്ടിയാണ് ഗണേഷ്പുരി പോലീസ് സ്റ്റേഷനില് പരാതി നല്കിയിരിക്കുന്നത്.
പരാതിക്കാരിയായ യുവതിയും പ്രതിയും ലേബര്മാരാണ്. സ്ത്രീയുടെ അവിഹിതബന്ധം ഭര്ത്താവിനോട് പറയുമെന്ന് ഭീഷണിപ്പെടുത്തിയായിരുന്നു ആദ്യ കാലങ്ങളില് ബലാത്സംഗത്തിനിരയാക്കിയത്. ഭര്ത്താവ് മരിച്ചശേഷവും ബലാത്സംഗം തുടര്ന്നു. മക്കളോട് രഹസ്യം തുറന്നുപറയുമെന്ന് ഭീഷണിപ്പെടുത്തി പിന്നീടും ബലാത്സഗം ചെയ്യുകയായിരുന്നെന്ന് സ്ത്രീ പറയുന്നു.
സംഭവത്തില് ദിലീപ് ശ്രീധര് എന്നയാള്ക്കെതിരെ പോലീസ് കേസെടുത്തു. ബലാത്സംഗവും ഭീഷണിയും തുടര്ന്നതോടെ സ്ത്രീ പോലീസില് പരാതി നല്കുകയായിരുന്നു പോലീസ് ഉദ്യോഗസ്ഥന് പറഞ്ഞു. ഇരയെ അക് ലോലി, വജ്രേശ്വരി തുടങ്ങിയ സ്ഥലങ്ങളിലെ ലോഡ്ജുകളില് കൊണ്ടുപോയാണ് ബലാത്സംഗം ചെയ്തത്.
യുവതി പരാതി നല്കിയതോടെ പ്രതി ഒളിവില് പോയിരിക്കുകയാണ്. പ്രതിക്കെതിരെ 376(2)ാം വകുപ്പു പ്രകാരം കേസെടുത്തതായി പോലീസ് ഓഫീസര് അര്ജുന് ഷെല്ക്കെ പറഞ്ഞു.