കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എസ്‌ഐയുടെ മകന്‍ ഉള്‍പ്പെടെയുള്ളവര്‍ യുവതിയെ കൂട്ടബലാത്സംഗത്തിനിരയാക്കി

  • By Gokul
Google Oneindia Malayalam News

മുസാഫിര്‍നഗര്‍: ഇരുപത്തിയാറുകാരിയായ യുവതിയെ പോലീസ് ഉദ്യോഗസ്ഥന്റെ മകന്‍ ഉള്‍പ്പെടെ അഞ്ചുപേര്‍ ചേര്‍ന്ന് ബലാത്സംഗത്തിനിരയാക്കിയതായി റിപ്പോര്‍ട്ട്. ഉത്തര്‍ പ്രദേശിലെ മുസാഫില്‍ നഗറില്‍ കഴിഞ്ഞദിവസമാണ് സംഭവം. ഒരു ഗിഫ്റ്റ് കടയില്‍ ഷോപ്പിങ്ങിനായി ചെന്നതായിരുന്നു യുവതി. കടയുടമ യുവതിക്ക് നല്‍കിയ വെള്ളത്തില്‍ മയക്കു മരുന്നു കലര്‍ത്തിയശേഷം ബലാത്സംഗത്തിനിരയാക്കുകയായിരുന്നു.

വെള്ളം കുടിച്ചശേഷം തനിക്ക് ബോധം നഷ്ടപ്പെട്ടെന്നാണ് യുവതി കോട്‌വാലി പോലീസ് സ്‌റ്റേഷനില്‍ നല്‍കിയ പരാതിയില്‍ പറയുന്നത്. ബോധം തെളിഞ്ഞപ്പോള്‍ കടയുടമയും കൂടെയുള്ളവരും ഭീഷണിപ്പെടുത്തുകയും ചെയ്തു. സംഭവം പുറത്തറിയിച്ചാല്‍ കൊലപ്പെടുത്തുമെന്നായിരുന്നു ഭീഷണി. എന്നാല്‍ ഭീഷണി വകവെയ്ക്കാതെ യുവതി പരാതി നല്‍കി.

minor-gang-rape

യുവതി തിരിച്ചറിഞ്ഞ അഞ്ചുപേരെ അറസ്റ്റ് ചെയ്തതായി പോലീസ് ഉദ്യോഗസ്ഥനായ പ്രമോദ് കുമാര്‍ അറിയിച്ചു. കോട്‌വാലി പോലീസ് സബ് ഇന്‍സ്‌പെക്ടറുടെ മകന്‍ ആണ് പ്രതികളില്‍ ഒരാളായ കപില്‍. കൂടാതെ വിജയ് കുമാര്‍, അനുജ് സെതി, പിയുഷ് കുമാര്‍, ഒരു കൗമാരക്കാന്‍ എന്നിവരാണ് പോലീസ് പിടിയിലായവ മറ്റുള്ളവര്‍.

പ്രതികള്‍ക്കെതിരെ കേസ് രജിസ്റ്റര്‍ ചെയ്തതായി പോലീസ് അറിയിച്ചു. യുവതിയെ വൈദ്യ പരിശോധനയ്ക്ക് വിധേയയാക്കുകയും ചെയ്തു. പോലീസ് ഉദ്യോഗസ്ഥന്റെ മകന്‍ പ്രതിയായതിനാല്‍ കേസ് അട്ടിമറിക്കപ്പെടുമെന്ന ഭയമുണ്ടെന്ന് യുവതിയുടെ ബന്ധുക്കള്‍ പറഞ്ഞു. അടുത്തിടെ ഉത്തര്‍ പ്രദേശില്‍ പോലീസുകാര്‍ ഉള്‍പ്പെടെയുള്ളവര്‍ ബലാത്സംഗക്കേസില്‍ പ്രതി ചേര്‍ക്കപ്പെട്ടിരുന്നു.

English summary
Woman gang-raped by five including cop's son in Muzaffarnagar
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X