ആമിര്‍ ഖാന്റെയും കിരണ്‍ റാവുവിന്റെയും രസകരമായ ഫോട്ടോകള്‍ കാണാം

ബോളിവുഡിനെ ഞെട്ടിച്ച് ആമിര്‍ ഖാനും രണ്ടാം ഭാര്യ കിരണ്‍ റാവും വേര്‍പിരിഞ്ഞു

ബോളിവുഡ് താരം ആമിര്‍ ഖാനും ഭാര്യയും സംവിധായകയുമായ കിരണ്‍ റാവുവും വേര്‍പിരിഞ്ഞു. പതിനഞ്ച് വര്‍ഷത്തോളം നീണ്ട ദാമ്പത്യ ജീവിതമാണ് ഇരുവരും ചേര്‍ന്ന് അവസാനിപ്പിച്ചിരിക്കുന്നത്. ബോളിവുഡിലെ ഏറെ ആരാധകരുള്ള ദമ്പതികളാണ് ആമിര്‍ ഖാനും കിരണ്‍ റാവുവും.

വിവാഹമോചനം എന്നത് ഒരു അവസാനമല്ല. ഒരു പുതിയ യാത്രയുടെ തുടക്കമായി കാണുമെന്ന് ഞങ്ങള്‍ പ്രതീക്ഷിക്കുന്നു. എന്നുമാണ് ആമിര്‍ ഖാനും കിരണ്‍ റാവുവും ചേര്‍ന്ന് പുറംലോകത്തെ അറിയിച്ചിരിക്കുന്നത്.

ലഗാന്‍ എന്ന സിനിമ ചെയ്യുന്ന സമയത്തായിരുന്നു ആമിര്‍ ഖാനും കിരണ്‍ റാവുവും തമ്മില്‍ കണ്ടുമുട്ടുന്നത്. സിനിമയുടെ അസിസ്റ്റന്റ് സംവിധായകരില്‍ ഒരാളായിരുന്നു കിരണ്‍. 2001 ലായിരുന്നു ഈ കണ്ട് മുട്ടല്‍. പിന്നീട് ആദ്യ ഭാര്യ റീനയുമായിട്ടുള്ള ആമിറിന്റെ വിവാഹമോചനത്തിന് ശേഷമാണ് കിരണുമായി വീണ്ടും അടുപ്പത്തിലാവുന്നത്. 2005 ഡിസംബര്‍ 28നായിരുന്നു വിവാഹം.

കിരണ്‍ എന്റെ ജീവിതത്തിലേക്ക് വന്നതില്‍ ഞാനിപ്പോള്‍ ഭാഗ്യവാനാണ് എന്നൊക്കെ ഭാര്യയെ കുറിച്ചുള്ള ചോദ്യങ്ങള്‍ക്ക് ആമിര്‍ മുന്‍പ് പലവട്ടം പറഞ്ഞു. എന്നാലിപ്പോള്‍ വേര്‍പിരിയാം എന്ന തീരുമാനത്തിന് പിന്നിലെ കാരണമാണ് ഏവരും അന്വേഷിക്കുന്നത്.

റീന ദത്തയായിരുന്നു ആദ്യ ഭാര്യ. 16 വര്‍ഷത്തിന് ശേഷം 2002ല്‍ ഈ ബന്ധം വേര്‍പ്പെടുത്തി. ഇറ, ജുനൈദ് എന്നിവര്‍ ആദ്യ ഭാര്യയിലുള്ള മക്കളാണ്.