ചിരിയും ക്യൂട്ട്‌നെസും വിട്ടൊരു കളിയില്ല...ഇത് കലക്കിയല്ലോ അദിതി..

മലയാളികളുടെ പ്രിയപ്പെട്ട നടിയാണ് അദിതി രവി. ചുരുങ്ങിയ കാലം കൊണ്ട് മലയാളി പ്രേക്ഷകരുടെ ഇഷ്ടം ഏറ്റുവാങ്ങാന്‍ അദിതിക്കായി

ഇന്‍സ്റ്റഗ്രാമില്‍ സജീവമാണ് അദിതി രവി. നിരവധി ഫോളോവേഴ്‌സാണ് അദിതി രവിക്കുള്ളത്

മോഡലിംഗിലൂടെയാണ് അദിതി രവി സിനിമയിലെത്തുന്നത്. 2014 ല്‍ പുറത്തിറങ്ങിയ ആംഗ്രി ബേബീസ് ഇന്‍ ലവ് എന്ന ചിത്രത്തില്‍ അഭിനയിച്ചു.

2017 ല്‍ പുറത്തിറങ്ങിയ അലമാര എന്ന ചിത്രത്തിലാണ് ആദ്യമായി നായികയായത്. ഈ ചിത്രത്തില്‍ സണ്ണി വെയ്ന്‍ ആയിരുന്നു നായകന്‍. 

തൃശ്ശൂരില്‍ ജനിച്ച അദിതിയുടെ മാതാപിതാക്കള്‍ രവി, ഗീത എന്നിവരാണ്. രാകേഷ്, രാഖി എന്നീ രണ്ടു സഹോദരങ്ങളുണ്ട്. 

തൃശ്ശൂരിലെ ഇരിങ്ങാലക്കുട ക്രൈസ്റ്റ് കോളേജില്‍ നിന്ന് ബിരുദം നേടി. ഇപ്പോള്‍ കൊച്ചിയിലാണ് അദിതി താമസിക്കുന്നത്

കോളേജ് പഠന കാലത്ത് തന്നെ മോഡലിംഗ് ജീവിതം തുടങ്ങി. വിവിധ ബ്രാന്‍ഡുകള്‍ക്കായി നിരവധി പരസ്യങ്ങളില്‍ അഭിനയിച്ചു.

2014-ല്‍ ആദ്യ ചിത്രത്തിന് ശേഷം തേര്‍ഡ് വേള്‍ഡ് ബോയ്‌സ്, ബിവേര്‍ ഓഫ് ഡോഗ്‌സ് എന്നീ ചിത്രങ്ങളില്‍ അഭിനയിച്ചു. 2014-ല്‍, സിദ്ധാര്‍ത്ഥ മേനോനുമൊത്ത് യെലോവ് എന്ന സംഗീത വീഡിയോയിലും എത്തി

2015 ല്‍ പുറത്തിറങ്ങിയ ഇത് എന്ന മായം ആണ് ആദ്യ തമിഴ് സിനിമ. 2017 ല്‍ നിരവധി മലയാളം സിനിമകളുടെ ഭാഗമായി