Parvathy Thiruvothu: പേളിയുടെ ക്യാമറയിൽ വമ്പന്‍ മേക്കോവറില്‍ പാര്‍വ്വതി; അടിപൊളി ലുക്കെന്ന് ആരാധകര്‍

ഇത് ബ്ലാക്ക് മാജിക്... സ്റ്റൈലൻ ലുക്കിൽ പാര്‍വ്വതി തിരുവോത്ത്; പുത്തൻ ചിത്രങ്ങൾ കാണാം.

മലയാള സിനിമയിൽ നിന്നും ഉയർന്നു കേൾക്കുന്ന സ്ത്രീ ശബ്ദമാണ് പാര്‍വ്വതിയുടേത്. മികച്ച അഭിനയം കാഴ്ചവയ്ക്കുന്ന നടി ഡബ്ല്യൂസിസി എന്ന സംഘടനയൊടൊപ്പം മലയാളത്തിലെ സ്ത്രീകൾക്കുവേണ്ടി ശബ്ദിക്കാറുണ്ട്. 

ഇപ്പോഴിതാ ബ്ലാക്ക് ഔട്ട്ഫിറ്റിൽ സ്റ്റൈലിഷ് ലുക്കിലെത്തിയ പാര്‍വ്വതിയുടെ ചിത്രങ്ങളാണ് തരംഗം. സൂപ്പർ ഗ്ലാമറസ് ലുക്കിലാണ് താരം. ബ്ലാക്ക് ലോങ്ങ് സ്കേർട്ട് ആൻഡ് ടോപ്പാണ് പാര്‍വ്വതി ധരിച്ചിരിക്കുന്നത്.

സാൾട്ട് സ്റ്റുഡിയോ എന്ന ബോട്ടിക് സ്റ്റോറാണ് താരത്തിന്റെ സ്റ്റൈലിഷ് ഔട്ട്ഫിറ്റ് ഡിസൈൻ ചെയ്തിരിക്കുന്നത്. ഞങ്ങളുടെ ബ്ലാക്ക് സ്കേർട്ട് സെറ്റിൽ പാര്‍വ്വതി അതിമനോഹരമായി കാണപ്പെടുന്നു എന്നാണ് സാൾട്ട് സ്റ്റുഡിയോ ചിത്രങ്ങൾ പങ്കുവെച്ചുകൊണ്ട് പറഞ്ഞത്.

പേളി മാണിയാണ് പാര്‍വ്വതിയുടെ പുത്തൻ ചിത്രങ്ങൾക്ക് ക്യാമറ പിടിച്ചിരിക്കുന്നത് എന്ന സ്പെഷ്യലിറ്റി കൂടെയുണ്ട് ചിത്രങ്ങൾക്ക്. അടുത്ത സുഹൃത്തുക്കളാണ് പേളിയും പാര്‍വ്വതിയും.

ദിവസങ്ങൾക്ക് മുൻപ് പേളി പാര്‍വ്വതിക്കൊപ്പമുള്ള ചിത്രങ്ങൾ ഇൻസ്റ്റാഗ്രാമിൽ പങ്കുവെച്ചിരുന്നു. പാര്‍വ്വതിയുടെ പുതിയ ചിത്രം വണ്ടർ വുമണിന് ആശംസകൾ നേർന്ന് കൊണ്ടാണ് ചിത്രങ്ങൾ പങ്കുവെച്ചത്.

മലയാളത്തിനു പുറമെ തമിഴിലും തിളങ്ങി നിൽക്കുന്ന താരമാണ് പാര്‍വ്വതി. വ്യക്തമായ നിലപാടുകളുള്ള, സ്വന്തം അഭിപ്രായങ്ങൾ തുറന്നു പറയുന്ന നടി കൂടിയാണ് പാര്‍വ്വതി. അത്തരത്തിൽ നടത്തിയിട്ടുള്ള പല അഭിപ്രായ പ്രകടനങ്ങളുടെ പേരിലും പാർവതി വാർത്തകളിൽ ഇടം നേടിയിട്ടുണ്ട്.