സാരിയിലെത്തിയാല്‍ പിന്നെ ഒരു പ്രത്യേക ലുക്കാണ്; ഒരു രക്ഷയുമില്ല സാറേ, ശ്രദ്ധേയമായി രമ്യ നമ്പീശന്റെ പുതിയ ചിത്രം

സാരിയില്‍ അതീവ മനോഹരിയായി നടി രമ്യ നമ്പീശന്‍. ഇന്സ്റ്റഗ്രാമില്‍ പങ്കുവെച്ച ചിത്രങ്ങള്‍ ഇതിനോടകം തന്നെ വൈറലായി മാറി കഴിഞ്ഞു.

എബ്രോയിഡറി വർക്കോട് കൂടിയ ചുവന്ന സാരിയാണ് താരം അണിഞ്ഞിരിക്കുന്നത്. ഇളം പച്ച നിറത്തിലുള്ള കസവും ബ്ലൌസും ചിത്രത്തെ കൂടുതല്‍ മനോഹരമാക്കുന്നു.

അമീന്‍ ഫോട്ടോഗ്രഫിയാണ് ചിത്രങ്ങള്‍ പകർത്തിയിരിക്കുന്നത്. ജോ ആണ് താരത്തെ ഫോട്ടോ ഷൂട്ടിനായി അണിഞ്ഞൊരുക്കിയത്.

താരത്തിന്റെ ചിരിയാണ് ചിത്രത്തിന്റെ മറ്റൊരു ഹൈലറ്റ്. ആരാധകർ തന്നെ ഇക്കാര്യം കമന്റുകളിലൂടെ എടുത്ത് പറയുകയും ചെയ്യുന്നുണ്ട്.

മലയാളികള്‍ക്ക് ഏറെ പ്രയപ്പെട്ട താരമാണ് രമ്യ നമ്പീശന്‍. അഭിനേത്രി മാത്രമല്ല നല്ലൊരു നര്‍ത്തകിയും ഗായികയും മോഡലും കൂടിയാണ് താരം

നന്നേ ചെറുപ്പത്തിലേ നൃത്തവും സംഗീതവും അഭ്യസിച്ചിരുന്ന രമ്യ ഒട്ടേറെ ഭക്തിഗാന കാസറ്റുകളിൽ പാടിയിട്ടുണ്ട്. കൈരളി ടെലിവിഷൻ സംപ്രേഷണം ചെയ്ത ഹലോ ഗുഡ് ഈവനിംഗ് എന്ന തത്സമയ ഫോൺ-ഇൻ പരിപാടിയുടെ അവതാരകയായി ശ്രദ്ധ നേടി.

ബാലതാരമായിട്ടായിരുന്നു താരം അഭിനയ രംഗത്തേക്ക് എത്തുന്നത്. സായാഹ്നം എന്ന ചിത്രത്തിലൂടെയായിരുന്നു താരത്തിന്റെ അരങ്ങേറ്റം.

2000 മുതല്‍ 2006 വരെ നിരവധി  സിനിമകളില്‍ താരം ബാലതാരമായി അഭിനയിച്ചിട്ടുണ്ട്. 2006 ല്‍ ജയറാമിന്റെ ആനച്ചന്തം എന്ന ചിത്രത്തിലൂടെയാണ് രമ്യ നായികയായി അരങ്ങേറുന്നത്.

മലയാളത്തില്‍ മാത്രമല്ല തമിഴിലും തെലുങ്കിലുമെല്ലാം താരം ശ്രദ്ധേയവേഷങ്ങളില്‍ അഭിനയിച്ചുകഴിഞ്ഞു.