പാര്‍ട്ട് 1 ആയിട്ടുള്ളൂ.. ഇനിയും വരാനുണ്ട്; വിവാഹ നിശ്ചയ ചിത്രങ്ങളുമായി ഷംന കാസിം

മലയാളികളുടെ പ്രിയപ്പെട്ട നടിയാണ് ഷംന കാസിം. നായികയായും സഹനടിയായും ഷംന കാസിം നിരവധി ചിത്രങ്ങള്‍ തിളങ്ങി

അടുത്തിടെയാണ് താരം വിവാഹിതയാകാന്‍ പോകുന്നു എന്ന കാര്യം അറിയിച്ചത്. ഇന്‍സ്റ്റഗ്രാമിലൂടെയാണ് താരം തന്റെ വിവാഹക്കാര്യം അറിയിച്ചത്.

ബിസിനസ് കണ്‍സള്‍ട്ടന്റും ജെബിഎസ് ഗ്രൂപ്പ് ഓഫ് കമ്പനീസ് സ്ഥാപകനുമായ ഷാനിദ് ആസിഫ് അലിയാണ് ഷംനയുടെ പ്രതിശ്രുത വരന്‍. ഇരുവരുടേയും ചിത്രങ്ങള്‍ പങ്കുവെച്ചായിരുന്നു ഷംന വിവാഹക്കാര്യം പുറത്തുവിട്ടത്

കുടുംബങ്ങളുടെ അനുഗ്രഹത്തോടെ പുതിയ ഘട്ടത്തിലേക്ക് കടക്കുന്നു എന്നാണ് ഷംന ഇന്‍സ്റ്റഗ്രാമില്‍ കുറിച്ചിരുന്നത്. ഇപ്പോഴിതാ വിവാഹ നിശ്ചയം കഴിഞ്ഞു എന്ന് ഷംന കാസിം ആരാധകരെ അറിയിച്ചിരിക്കുകയാണ്

ഇതിന്റെ ചിത്രങ്ങള്‍ ഷംന കാസിം ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. എന്റെ യാത്രയിലുടനീളം എന്നെ പിന്തുണയ്ക്കുന്ന എന്റെ കുടുംബമാണ് എന്റെ ശക്തി- അവരുടെ അനുഗ്രഹമില്ലാതെ അത് ഒരിക്കലും പൂര്‍ത്തിയാകില്ല എന്നാണ് ചിത്രങ്ങള്‍ക്ക് ഷംന നല്‍കിയിരിക്കുന്ന ക്യാപ്ഷന്‍

ഇന്‍സ്റ്റഗ്രാമില്‍ നിറയെ ആരാധകരുണ്ട് ഷംനയ്ക്ക്. നര്‍ത്തകി എന്ന നിലയിലും ശ്രദ്ധേയയാ് ഷംന കാസിം. സ്റ്റേജ് ഷോകളില്‍ സ്ഥിര സാന്നിധ്യമാണ്