വിമർശനങ്ങളെ ചിരികൊണ്ട് നേരിട്ട് മുന്നോട്ട്; മഞ്ജു പത്രോസിന്റെ കലക്കൻ ഫൊട്ടോസ്

വിമർശനങ്ങളെ ചിരികൊണ്ട് നേരിട്ട് മുന്നോട്ട്; മഞ്ജു പത്രോസിന്റെ കലക്കൻ ഫൊട്ടോസ്

വെറുതെ അല്ല ഭാര്യ എന്ന റിയാലിറ്റി ഷോയിലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് മഞ്ജു പത്രോസ്.

റിയാലിറ്റി ഷോ മത്സരാർഥിയായി എത്തിയ മഞ്ജു മിനിസ്ക്രീനിലും ബിഗ് സ്ക്രീനിലും തന്റേതായ ഇടം കണ്ടെത്തുകയായിരുന്നു. സിനിമയിലും സീരിയലിലും സജീവമായിനിൽക്കുമ്പോഴാണ് മഞ്ജു ബിഗ് ബോസിൽ എത്തുന്നത്.

വെറുതെ അല്ല ഭാര്യ എന്ന ഷോയ്ക്ക് പോയതിന് ശേഷമാണ് ജീവിതം ഭയങ്കര കളറായത്. ജീവിതം ഇത്രയും ഭംഗിയാണെന്നും ചിരിക്കാൻ പറ്റുമെന്നുമൊക്കെ മനസ്സിലായി എന്നൊക്കെ മഞ്ജു മുൻപ് പറഞ്ഞിട്ടുണ്ട് 

വീട്ടിൽ ഇരിക്കുമ്പോൾ തന്നെ നമുക്ക് ക്രിയേറ്റീവായി എന്തെങ്കിലുമൊക്കെ ചെയ്യാൻ കഴിയുമെന്ന് ഷോ മനസ്സിലാക്കി തന്നു. വെറുതെ അല്ല ഭാര്യ എന്ന ഷോയിൽ വന്നില്ലായിരുന്നുവെങ്കിൽ ഇപ്പോഴും തന്റെ ജീവിതം വീട്ടിനുള്ളിൽ തന്നെ ആകുമായിരുന്നുവെന്നും മഞ്ജു പറഞ്ഞിട്ടുണ്ട്

അതുപോലെ തന്നെ ബിഗ് ബോസ് മലയാളം രണ്ടാം സീസണിലെ മത്സരാര്‍ഥി കൂടിയായിരുന്നു മഞ്ജു പത്രോസ്. 

പകുതി ദിവസത്തോളം വീടിനുള്ളില്‍ കഴിഞ്ഞ മഞ്ജു പുറത്തിറങ്ങിയപ്പോള്‍ നേരിടേണ്ടി വന്നത് വലിയ സൈബര്‍ അക്രമണങ്ങളായിരുന്നു.

രജിത്ത് കുമാറുമായിട്ടുള്ള സൗഹൃദവും ഫുക്രുവിനൊപ്പമുള്ള നിമിഷങ്ങളുടെ പേരിലും മഞ്ജുവിനെതിരെ പരിഹാസം ഉയര്‍ന്നിരുന്നു.

ബിഗ് ബോസില്‍ ചെന്നപ്പോള്‍ ആകെ ടെന്‍ഷനായിരുന്നു. ഭയങ്കര വിഷമമായിരുന്നു. അങ്ങനെയുള്ള ഒരു അവസ്ഥയില്‍ നമ്മള്‍ ചുറ്റുമുള്ളവരെ സ്‌നേഹിച്ച് തുടങ്ങും.