പാര്‍ലമെന്റിലേക്ക് ട്രാക്ടര്‍ ഓടിച്ചെത്തി രാഹുല്‍ ഗാന്ധി; വേറിട്ട പ്രതിഷേധത്തിന്റെ ചിത്രങ്ങള്‍ കാണാം

കേന്ദ്ര സര്‍ക്കാര്‍ നടപ്പാക്കിയത് കരിനിയമങ്ങളാണ്. എല്ലാം പിന്‍വലിക്കണം. രണ്ടോ മൂന്നോ ബിസിനസുകാര്‍ക്ക് വേണ്ടിയാണ് ഈ നിയമം എന്ന് രാജ്യത്തെ എല്ലാവര്‍ക്കും അറിയാമെന്നും രാഹുല്‍ ഗാന്ധി പറഞ്ഞു.

പാര്‍ലമെന്റിലേക്ക് ട്രാക്ടര്‍ ഓടിച്ചെത്തി കോണ്‍ഗ്രസ് നേതാവ് രാഹുല്‍ ഗാന്ധി. കര്‍ഷക സമരത്തിന് ഐക്യദാര്‍ഢ്യം പ്രഖ്യാപിച്ചായിരുന്നു രാഹുലിന്റെ ട്രാക്ടര്‍ യാത്ര.

കര്‍ഷകരുടെ സന്ദേശം ഞാന്‍ പാര്‍ലമെന്റിലെത്തിക്കും. കര്‍ഷകരുടെ ശബ്ദം സര്‍ക്കാര്‍ അടിച്ചമര്‍ത്തുകയാണ്. വിഷയം പാര്‍ലമെന്റില്‍ ചര്‍ച്ച ചെയ്യാന്‍ അനുവദിക്കുന്നില്ലെന്നും രാഹുല്‍ ഹാന്ധി പറഞ്ഞു.

കേന്ദ്രസര്‍ക്കാര്‍ പാസാക്കിയ മൂന്ന് കാര്‍ഷിക നിയമങ്ങള്‍ പിന്‍വലിക്കണമെന്ന് ആവശ്യപ്പെട്ടാണ് കര്‍ഷകരുടെ സമരം. ഇതിന് ഐക്യദാര്‍ഢ്യം പ്രഖ്യാപിച്ചിരിക്കുകയാണ് രാഹുല്‍.

പാര്‍ലമെന്റിലേക്ക് ട്രാക്ടര്‍ ഓടിച്ചെത്തി രാഹുല്‍ ഗാന്ധി; വേറിട്ട പ്രതിഷേധത്തിന്റെ ചിത്രങ്ങള്‍ കാണാം

കോണ്‍ഗ്രസിന്റെ ഒട്ടേറെ നേതാക്കള്‍ ട്രാക്ടര്‍ റാലിയുടെ ഭാഗമായി. പാര്‍ട്ടി വക്താവ് രണ്‍ദീപ് സുര്‍ജേവാല, ബിവി ശ്രീനിവാസ് എന്നിവരെ ദില്ലി പോലീസ് അറസ്റ്റ് ചെയ്തു.

അതേസമയം, ചില കോണ്‍ഗ്രസ് നേതാക്കളെ ദില്ലി പോലീസ് അറസ്റ്റ് ചെയ്തു. നിരോധനാജ്ഞ ലംഘിച്ചുവെന്ന് കാണിച്ചാണ് അറസ്റ്റ്. ദില്ലിയിലെ ജന്തര്‍ മന്ദറില്‍ കര്‍ഷകരുടെ സമരം തുടരുകയാണ്.