അദാനിയും അംബാനിയും രത്തന്‍ ടാറ്റയും എത്ര വരെ പഠിച്ചു? വിദ്യാഭ്യാസ യോഗ്യത എന്ത്? അറിയാം

അദാനി, അംബാനി, രത്തന്‍ ടാറ്റ ത്രയങ്ങളുടെ വിദ്യാഭ്യാസ യോഗ്യത എന്താണെന്ന് നിങ്ങള്‍ക്കറിയാമോ? നമുക്ക് അത് ഒന്ന് പരിശോധിച്ച് നോക്കാം

രാജ്യത്തെ ഏറ്റവും ധനികരില്‍ മൂന്ന് പേരാണ് ഗൗതം അദാനി, മുകേഷ് അംബാനി, രത്തന്‍ ടാറ്റ എന്നിവര്‍.

ആദ്യ രണ്ട് സ്ഥാനങ്ങളില്‍ അദാനിയും അംബാനിയുമാണ്.

എന്നാല്‍ ജനപ്രിയതില്‍ ഏറെ മുന്നിലാണ് രത്തന്‍ ടാറ്റ. ഇന്ത്യന്‍ വ്യവസായ മേഖലയെ ശക്തിപ്പെടുത്തുന്നതില്‍ രത്തന്‍ ടാറ്റയുടെ പങ്ക് ഏറെ വലുതാണ്

ഇവരുടെ ഓരോ വിശേഷങ്ങളും അറിയാന്‍ ആളുകള്‍ക്ക് വലിയ താല്‍പര്യമാണ്. അതിനാല്‍ തന്നെ ഇവരുടെ സോഷ്യല്‍ മീഡിയ അക്കൗണ്ടുകള്‍ക്ക് നിറയെ ഫോളോവേഴ്‌സുമുണ്ട്

2021 ലെ ഫോര്‍ബ്‌സ് മാസിക പ്രകാരം 92.7 ബില്യണ്‍ ഡോളര്‍ ആണ് മുകേഷ് അംബാനിയുടെ ആസ്തി. ടെലികോം അടക്കം വിവിധ മേഖലകളിലാണ് പ്രധാനമായും അംബാനി ശ്രദ്ധ കേന്ദ്രീകരിച്ചിരിക്കുന്നത്

മുംബൈ സര്‍വകലാശാലയില്‍ നിന്ന് കെമിക്കല്‍ എഞ്ചിനീയറിംഗ് ബിരുദം നേടിയ ആളാണ് അംബാനി. സ്റ്റാന്‍ഫോര്‍ഡ് സര്‍വകലാശാലയില്‍ എം ബി എ പഠനത്തിനായി ചേര്‍ന്നു.

എന്നാല്‍ പിന്നീട് കുടുംബ ബിസിനസ് നോക്കി നടത്താനായി അദ്ദേഹം പഠനം പാതിവഴിയില്‍ ഉപേക്ഷിക്കുകയായിരുന്നു. ഉന്നത പഠനം പാതിവഴിയില്‍ നിര്‍ത്തിയെങ്കിലും രാജ്യത്തെ ഏറ്റവും വലിയ കോടീശ്വരില്‍ ഒരാളായി നില്‍ക്കാന്‍ അംബാനിക്കായി

ലോകത്തിലെ നാലാമത്തെ അതിസമ്പന്നന്‍, ഏഷ്യയില്‍ ഒന്നാമന്‍ അതാണ് ഇപ്പോള്‍ ഗൗതം അദാനിയുടെ സ്ഥാനം. അംബാനിയെ അപേക്ഷിച്ച് നോക്കുമ്പോള്‍ ഗൗതം അദാനി പഠിക്കാന്‍ ഒട്ടും മിടുക്കന്‍ ആയിരുന്നില്ല

പ്ലസ് ടുവിന് ശേഷം ഗുജറാത്ത് സര്‍വകലാശാലയില്‍ ബികോം പഠനത്തിനായി ചേര്‍ന്നെങ്കിലും രണ്ടാം വര്‍ഷം പാസാകാനായില്ല. പിന്നീട് പരീക്ഷ എഴുതാനും അദ്ദേഹം തയ്യാറായില്ല.