രാഹുൽ ഗാന്ധി മുതൽ ഐസക് വരെ; ഇഡി വിരട്ടിയ നേതാക്കൾ

കാർത്തി ചിദംബരം-ചൈനീസ് പൗരന്മാർക്ക് വീസ നൽകുവാൻ അൻപത് ലക്ഷം രൂപ കോഴ വാങ്ങിയെന്ന കേസിലാണ് കാർത്തി ചിദംബരത്തിനെതിരെ ഇഡി നടപടി ഉണ്ടായത്. യുപിഎ സര്‍ക്കാരിന്‍റെ കാലത്ത് പ്രോജക്ട്  വീസ മാനദണ്ഡത്തിൽ മാറ്റം വരുത്താൻ കാർത്തി ഇടപെട്ടെന്നാണ് ആരോപണം.

സോണിയ ഗാന്ധി- നാഷ്ണൽ ഹെരാൾഡ് കേസിലാണ് സോണിയ ഗാന്ധിയെ ഇഡി ചോദ്യം ചെയ്തത്. കേസിൽ മൂന്ന് ദിവസത്തോളം സോണിയയെ ഇഡി ചോദ്യം ചെയ്തിരുന്നു. 

സഞ്ജയ് റൗത്ത്-പത്ര ചൗൾ ഭൂമി കുംഭകോണക്കേസിലാണ് ശിവസേന എം പിയായ സഞ്ജയ് റൗത്ത് അറസ്റ്റിലായത്. 

രാഹുൽ ഗാന്ധി- നാഷ്ണൽ ഹെരാൾഡ് കേസിലാണ് മുൻ കോൺഗ്രസ് അധ്യക്ഷനായ രാഹുൽ ഗാന്ധിയെ ഇഡി ചോദ്യം ചെയ്തത്. കോൺഗ്രസിൻ്റെ നേതൃത്വത്തിലുള്ള നാഷണൽ ഹെറാള്‍ഡ് പത്രം ഉള്‍പ്പെടുന്ന എജെഎൽ കമ്പനിയെ രാഹുൽ ഗാന്ധിയും സോണിയ ഗാന്ധിയും അടക്കമുള്ളവര്‍ പങ്കാളികളായ യങ് ഇന്ത്യൻ ലിമിറ്റഡ് എന്ന കമ്പനി ഏറ്റെടുത്തതുമായി ബന്ധപ്പെട്ട കേസാണ് ഇഡി അന്വേഷണം. നാല് ദിവസത്തോളം രാഹുലിനെ ചോദ്യം ചെയ്തിരുന്നു.

അജിത് പവാർ-മഹാരാഷ്ട്ര സഹകരണ ബാങ്ക്  അഴിമതിക്കേസുമായി ബന്ധപ്പെട്ട്. വായ്പ അനുവദിക്കുന്നതിൽ ക്രമവിരുദ്ധമായ ഇടപാടുകൾ നടത്തിയെന്നാണ് ആരോപണം. 

ഫറൂഖ് അബദുള്ള-ജമ്മു കശ്മീർ ക്രിക്കറ്റ് അസോസിയേഷൻ കള്ളപ്പണം വെളുപ്പിക്കൽ കേസുമായി ബന്ധപ്പെട്ടാണ് നാഷ്ണൽ കോൺഫറൻസ് നേതാവ് ഫാറൂഖ് അബ്ദുള്ളയ്ക്കെതിരായ ഇഡി നടപടി. കേസിൽ ഇഡി ഫാറൂഖ് അബ്ദുല്ലയുടെ 11.86 കോടി രൂപയുടെ ആസ്തി കണ്ട് കെട്ടിയിരുന്നു.