ബാറ്റിംഗ് മാത്രമല്ലടോ.. ബൗളിംഗിലുമുണ്ടെടോ പിടി..; ബൗളിംഗില്‍ സച്ചിന്റെ അപൂര്‍വ റെക്കോഡുകള്‍

ബാറ്റിംഗ് ഇതിഹാസം സച്ചിന്‍ ടെന്‍ഡുക്കറെ ക്രിക്കറ്റിന്റെ ദൈവം എന്നാണ് വിശേഷിപ്പിക്കുന്നത്. ബാറ്റിംഗിലെ ഒരുവിധം റെക്കോഡുകളെല്ലാം സച്ചിന്‍ സ്വന്തം പേരിലാക്കിയിട്ടുണ്ട്.

ഏകദിനത്തിലും ടെസ്റ്റിലും ഏറ്റവും കൂടുതല്‍ റണ്‍സ്, സെഞ്ച്വറി, അര്‍ധസെഞ്ച്വറി എന്നിവയെല്ലാം സച്ചിന്റെ പേരിലാണ്. ഏകദിനത്തിലെ ആദ്യ ഡബിള്‍ സെഞ്ച്വറി നേടിയ പുരുഷതാരവും സച്ചിനാണ്

എന്നാല്‍ ബൗളിംഗിലും ചില അപൂര്‍വ റെക്കോഡുകള്‍ സച്ചിന്റെ പേരിലുണ്ട്. അവ ഏതൊക്കെ എന്ന് നോക്കാം.

50-ാം ഓവറില്‍ ആറോ അതില്‍ കുറവോ റണ്‍സ് രണ്ട് തവണ സേവ് ചെയ്തു.  1993 ല്‍ ദക്ഷിണാഫ്രിക്കക്കെതിരെയും 1996 ല്‍ ഓസ്ട്രേലിയക്കെതിരെയും. 

ഇന്ത്യക്കായി നാല് വിക്കറ്റെടുത്ത ഏറ്റവും പ്രായം കുറഞ്ഞ ബൗളര്‍. വെസ്റ്റ് ഇന്‍ഡീസിനെതിരെ 34 റണ്‍സ് വിട്ടുകൊടുത്ത് നാല് വിക്കറ്റ് (അന്ന് പ്രായം 18 വയസ് മാത്രം) 

ഒരേ വേദിയില്‍ അഞ്ച് വിക്കറ്റ് രണ്ട് തവണ നേടിയ താരം. കൊച്ചിയില്‍ ആസ്ട്രേലിയയ്ക്കും പാകിസ്ഥാനുമെതിരെയായിരുന്നു ഈ നേട്ടം.

പ്രായം കുറഞ്ഞ ബൗളറും പ്രായം കൂടിയ ബൗളറും. 20 വയസിന് മുന്‍പ് ടെസ്റ്റില്‍ നാല് വിക്കറ്റ്. 40-ാം വയസില്‍ അവസാന മത്സരത്തിലും വിക്കറ്റ്.

ഏഷ്യാ കപ്പില്‍ ഇന്ത്യയ്ക്കായി ഏറ്റവും കൂടുതല്‍ വിക്കറ്റ് നേടിയ രണ്ടാമത്തെ ബൗളര്‍. 2004 ലെ ഏഷ്യാകപ്പില്‍ പാര്‍ട്ട് ടൈം ബൗളറായെത്തി 12 വിക്കറ്റാണ് സച്ചിന്‍ നേടിയത്