എന്തായിത് ഭുവി, ഇങ്ങനൊക്കെ ചെയ്യാമോ? തോല്‍പ്പിച്ചത് 2 കളികള്‍, ഏഷ്യാകപ്പില്‍ ഇന്ത്യ പുറത്ത്!!

ഭുവനേശ്വര്‍ കുമാറാണ് തുടര്‍ച്ചയായ രണ്ടാം മത്സരത്തിലും ഇന്ത്യയെ പരാജയപ്പെടുത്താന്‍ കാരണം. 15 റണ്‍സോളമാണ് താരം വഴങ്ങിയത്. പാകിസ്താനെതിരെ 19 റണ്‍സും ഭുവനേശ്വര്‍ വഴങ്ങിയിരുന്നു

ശ്രീലങ്കയ്‌ക്കെതിരായ മത്സരത്തോടെ ഇന്ത്യ ഏഷ്യാ കപ്പില്‍ നിന്ന് പുറത്തായിരിക്കുകയാണ്. ലങ്ക ഇന്ത്യയെ തോല്‍പ്പിച്ചതാണ് കാരണം. അവസാന ഓവറിലെ ത്രില്ലറിനൊടുവിലാണ് ഈ വിജയം ശ്രീലങ്ക നേടിയത്‌

ശ്രീലങ്കയ്‌ക്കെതിരെ ഗംഭീര പ്രകടനമാണ് ക്യാപ്റ്റനായ രോഹിത് ശര്‍മ പുറത്തെടുത്തത്. 41 പന്തില്‍ 72 റണ്‍സാണ് രോഹിത് അടിച്ചത്. നാല് സിക്‌സറും അഞ്ച് ബൗണ്ടറിയും ആ ഇന്നിംഗ്‌സിലുണ്ടായിരുന്നു

അഫ്ഗാനിസ്ഥാനെ പാകിസ്താന്‍ പരാജയപ്പെടുത്തി ഫൈനലില്‍ കടന്നതോടെയാണ് ഇന്ത്യ ഏഷ്യാകപ്പില്‍ നിന്ന് പുറത്തായത്. ഫൈനലില്‍ പാകിസ്താനും ശ്രീലങ്കയും ഏറ്റുമുട്ടും

രോഹിത്തിന്റെ ഇന്നിംഗ്‌സ് ഗംഭീരമായിരുന്നെങ്കിലും ഇന്ത്യയുടെ തുടക്കം മോശമായിരുന്നു. വിരാട് കോലിയും കെഎല്‍ രാഹുലും തുടക്കത്തില്‍ തന്നെ പുറത്തായതോടെ ഇന്ത്യ പ്രതിരോധത്തിലായിരുന്നു

ട്വന്റി ട്വന്റി ലോകകപ്പിന് മുമ്പ് ഇന്ത്യ മുന്നൊരുക്കമായി കണ്ടിരുന്ന ടൂര്‍ണമെന്റായിരുന്നു ഏഷ്യാകപ്പ്. ടീം പുറത്തായതോടെ വലിയ തിരിച്ചടിയാണ് ഇന്ത്യക്ക്‌നേരിട്ടത്‌

അത് മാത്രമല്ല കിരീടമില്ലാത്ത ഇന്ത്യയുടെ മറ്റൊരു സീസണ്‍ കൂടിയാണ് കടന്നുപോവുന്നത്. വിരാട് കോലിയുടെ ക്യാപ്റ്റന്‍ സ്ഥാനം തെറിച്ചത് തന്നെ ക്യാപ്റ്റന്‍സിയുടെയും കിരീടമില്ലാത്തതിന്റെയും പേരിലായിരുന്നു