IPL 2024: ചിദംബരം സ്റ്റേഡിയത്തില് കിംഗ് ധോണി, ചെന്നൈക്ക് വട്ടംവെക്കാന് ഒരുത്തനുമില്ല; ചിത്രങ്ങള് കാണാം
1/8
Photo Credit: pti
ഏപ്രില് എട്ടിന് ചെന്നൈ സൂപ്പര് കിംഗ്സ് കൊല്ക്കത്ത നൈറ്റ് റൈഡേഴ്സിനെയാണ് നേരിടുന്നത്. ഈ സീസണിലെ മൂന്നാമത്തെ മത്സരമാണ് ചിദംബരം സ്റ്റേഡിയത്തില് നടക്കുന്നത്. ഈ സീസണില് മൊത്തം ഒന്പത് മത്സരങ്ങള് ഈ സ്റ്റേഡിയത്തില് നടക്കും. ഇതുവരെ ഇവിടെ 78 ഐപിെല് മത്സരങ്ങള് നടന്നിട്ടുണ്ട്.
2/8
Photo Credit: pti
ചിദംബരം സ്റ്റേഡിയത്തിലെ ഉയര്ന്ന സ്കോര് ചെന്നൈയുടെ പേരിലാണ്. അഞ്ച് വിക്കറ്റിന് 246 റണ്സാണ് ചെന്നൈ അടിച്ചത്. രാജസ്ഥാന് റോയല്സിനെതിരെയായിരുന്നു ഈ സ്കോര് അടിച്ചത്. 2010ല് നടന്ന മത്സരത്തിലാണ് ഈ റെക്കോര്ഡ് പിറന്നത്.
3/8
Photo Credit: pti
ചിദംബരം സ്റ്റേഡിയത്തില് ഏറ്റവും കൂടുതല് റണ്സടിച്ചത് ചെന്നൈയുടെ മുന് താരം കൂടിയായ സുരേഷ് റെയ്നയാണ്. 1498 റണ്സാണ് റെയ്ന അടിച്ചത്. ഇപ്പോഴുള്ള താരങ്ങളില് ഒന്നാമന് മഹേന്ദ്ര സിംഗ് ധോണിയാണ്. 1445 റണ്സ് ഇതുവരെ ധോണി അടിച്ചെടുത്തിട്ടുണ്ട്. മുരളി വിജയ്, മൈക്ക് ഹസി, ഫാഫ് ഡുപ്ലെസി എന്നിവരാണ് ആദ്യ അഞ്ചില് ഉള്ളത്.
4/8
Photo Credit: pti
അവസാന പത്ത് മത്സരങ്ങളില് ജയവും തോല്വിയും തമ്മില് കൃത്യമായ ബാലന്സിംഗുണ്ട്. ആദ്യ ബാറ്റ് ചെയ്തവര് അഞ്ചും രണ്ടാമത് ബാറ്റ് ചെയ്തവര് അഞ്ചും മത്സരങ്ങളില് വിജയിച്ചിട്ടുണ്ട്. 169 റണ്സാണ് ആദ്യ ഇന്നിംഗ്സിലെ ശരാശരി ടീം സ്കോര്. 180 ആണ് ശരാശരി വിജയിക്കാനാവശ്യമായ സ്കോര്.
5/8
Photo Credit: pti
ചെന്നൈ സ്റ്റേഡിയത്തിലെ ഏറ്റവും കുറഞ്ഞ സ്കോര് ആര്സിബിയുടെ പേരിലാണ്. 70 റണ്സിനാണ് റോയല് ചലഞ്ചേഴ്സ് ബെംഗളൂരു പുറത്തായത്. ചെന്നൈക്കെതിരെ തന്നെയായിരുന്നു ഈ ബെംഗളൂരുവിന് ഈ നാണക്കേടിന്റെ റെക്കോര്ഡുണ്ടായത്. 2019ലായിരുന്നു ഈ മത്സരം നടന്നത്.
6/8
Photo Credit: pti
സിഎസ്കെയും കൊല്ക്കത്തയും തമ്മിലുള്ള മത്സരങ്ങളില് കൂടുതല് വിജയിച്ചതും ചെന്നൈ തന്നെയാണ്. ഇതുവരെ ചിദംബരം സ്റ്റേഡിയത്തില് ഇരുടീമുകളും തമ്മില് 10 തവണ ഏറ്റുമുട്ടി. ഏഴ് തവണയും ജയം ചെന്നൈക്കൊപ്പമായിരുന്നു. മൂന്ന് തവണ ജയം കെകെആറിനൊപ്പം നിന്നു.
7/8
Photo Credit: pti
വിക്കറ്റ് കൂടുതല് എടുത്തവരെല്ലാം ചെന്നൈ ബൗളര്മാരാണ്. 48 വിക്കറ്റെടുത്ത അശ്വിനാണ് മുന്നില്. ബ്രാവോ 44 വിക്കറ്റുമായി രണ്ടാം സ്ഥാനത്തുണ്ട്. ഇപ്പോഴത്തെ ബൗളര്മാരില് രവീന്ദ്ര ജഡേജയാണ് ഒന്നാം സ്ഥാനത്ത്. ജഡേജ മുപ്പത് വിക്കറ്റുകള് വീഴ്ത്തിയിട്ടുണ്ട്. രണ്ടാം സ്ഥാനത്ത് ദീപക് ചാഹറാണ്. 22 വിക്കറ്റുകള് താരം വീഴ്ത്തിയിട്ടുണ്ട്.
8/8
Photo Credit: pti
ചിദംബരം സ്റ്റേഡിയത്തില് ആദ്യം ബാറ്റ് ചെയ്യുന്നരാണ് കൂടുതല് വിജയിക്കാറുള്ളത്. 60.26 ശതമാനമാണ് ആദ്യം ബാറ്റ് ചെയ്ത് വിജയിച്ചവര്. രണ്ടാമത് ബാറ്റ് ചെയ്ത് വിജയിച്ചവര് 39.74 ശതമാനം മാത്രമാണ്. സ്പിന്നര്മാരെ പിന്തുണയ്ക്കുന്ന പിച്ചാണിത്. വേഗം കുറഞ്ഞ പിച്ചുകളിലൊന്നായിട്ടാണ് ഇത് അറിയപ്പെടുന്നത്.
Use current location
Sign in with Google
Click it and Unblock the Notifications