റൊമാന്റിക് ഡേറ്റിന് ഒരുങ്ങുകയാണോ? എങ്കില്‍ ഒരു യാത്ര ബെസ്റ്റാണ്; പങ്കാളിയെയും ഒപ്പം ചേര്‍ത്ത് പോകാന്‍ ഈ സ്ഥലങ്ങള്‍

ട്രിപ്പുകളില്‍ ആദ്യം പരിഗണിക്കാവുന്നത് ഹിമാചല്‍ പ്രദേശാണ്. ഇന്ത്യയില്‍ എപ്പോഴും ഏത് സമയത്തും യാത്ര ചെയ്യാവുന്ന മഞ്ഞില്‍ പുതഞ്ഞ ഭൂമികയാണ് ഹിമാചല്‍. മലനിരകള്‍, ആശ്രമങ്ങള്‍, മനസ്സിനെ തണുപ്പിക്കുന്ന കാലാവസ്ഥ അങ്ങനെ ഒരുപാടുണ്ട് ഹിമാചലിന് വിശേഷണം. ഭൂമിയുടെ സൗന്ദര്യത്തിന് ഏറ്റവും പറ്റിയ വിശേഷണങ്ങളും ഹിമാചലിലുണ്ട്. അത്രയേറെ ഭംഗിയുള്ള സ്ഥലങ്ങളുണ്ട് ഇവിടെ. മണാലി, ധരംശാല, കസൗലി മറക്കാതെ പോകേണ്ട ഇടങ്ങളാണ്.

ലഡാക്കില്ലാതെ എന്ത് റൊമാന്റിക് ഡേറ്റ് അല്ലേ. ത്രില്ല് ഇഷ്ടമാണെങ്കില്‍ ലഡാക്കിലേക്ക് പോകണം. സമതലങ്ങളും, പച്ചപ്പുകള്‍ നിറഞ്ഞ കാടുകളും, മനോഹരമായ റോഡുകളും ലാഡക്കിന്റെ പ്രത്യേകതയാണ്. റെമാന്റിക് ഡേറ്റിന് പറ്റിയ സോണുകള്‍ ധാരാളം ലഡാക്കിലുണ്ട്. ഒപ്പം ഒരു ക്യാമറയും കരുതുക. മറക്കാനാവാത്ത നിമിഷങ്ങള്‍ പകര്‍ത്തിയെടുക്കാനും ശ്രമിക്കുക

രാജസ്ഥാനും നല്ലൊരു സ്ഥലമാണ്. ബോളിവുഡ് വിവാഹമെല്ലാം നടക്കുന്ന നഗരങ്ങള്‍ ഇവിടെയുണ്ട്. റൊമാന്റിക്കായ നഗരം എന്ന പേര് രാജസ്ഥാനുള്ളത് കൊണ്ടാണ്. ജയ്പൂര്‍, ഉദയ്പൂര്‍, ജോധ്പൂര്‍ എന്നീ ചരിത്ര നഗരങ്ങളെല്ലാം രാജസ്ഥാനിലുണ്ട്. ഇവയെല്ലാം റൊമാന്റിക് ഇടങ്ങള്‍ കൂടിയാണ്. മികച്ച ഫോട്ടോ പോസിനും ഇവിടെ സ്ഥലങ്ങളുണ്ട്.

കേരളത്തിന്റെ കാര്യം പിന്നെ പറയേണ്ടതല്ലോ? ആലപ്പുഴയിലെയും കുമരകത്തെയും കായല്‍ഭംഗി തന്നെ ഏതൊരാളെയും റൊമാന്റിക്കാക്കും. കാപ്പിത്തോട്ടങ്ങളും മലനിരകളും വേറെയുണ്ട്. കണ്ണെടുക്കാന്‍ തോന്നാത്ത തടാകങ്ങളും മൂന്നാറും ഉറപ്പായും കാണേണ്ട സ്ഥലങ്ങളാണ്. ഇരവിക്കുളം ദേശീയ പാര്‍ക്ക്, ആനമുടി, ദേവികുളം എന്നിവയൊക്കെ നിങ്ങളുടെ മനം കവരും.