അച്ഛന്റെ കൈപിടിച്ച് മീനൂട്ടി: മിഴിവേകി ഫ്‌ളോറല്‍ അനാര്‍ക്കലിയും, മീനാക്ഷി ദിലീപിന്റെ ചിത്രങ്ങള്‍ വൈറല്‍

ഒരു സിനിമയില്‍ പോലും അഭിനയിച്ചിട്ടില്ലെങ്കിലും സെലിബ്രിറ്റി പരിവേഷമുള്ള വ്യക്തമിയാണ് ദിലീപിന്റെയും മഞ്ജു വാര്യരുടേയും മകളായ മീനാക്ഷി. നിരവധി ആരാധകരാണ് താരത്തിന് സോഷ്യല്‍ മീഡിയയിലുള്ളത്

മീനൂട്ടിയെന്ന് വീട്ടുകാർ വിളിക്കുന്ന മീനാക്ഷിയുടെ ഒരോ വിശേഷങ്ങളും പ്രേക്ഷകർ അതീവ താല്‍പര്യത്തോടെയാണ് കേള്‍ക്കാറുള്ളത്. 

ഇപ്പോഴിതാ അച്ഛന്‍ ദിലീപിനൊപ്പമുള്ള ചിത്രങ്ങള്‍ പങ്കുവെച്ച് വീണ്ടും പ്രേക്ഷകർക്കിടയില്‍ ചർച്ചയായി മാറുകയാണ് മീനാക്ഷി ദിലീപ്. കഴിഞ്ഞ ദിവസം തൃശൂരില്‍ നടന്ന ഒരു വിവാഹ ചടങ്ങിലേക്കാണ് അച്ഛനൊപ്പം മീനൂട്ടിയും എത്തിയത്.

ഇരുവരും ഒരുമിച്ചുള്ള ചിത്രങ്ങള്‍ ഇപ്പോള്‍ വൈറലായി മാറിയിരിക്കുകയാണ്. പതിവുപോലെ ആരാധക ഗ്രൂപ്പുകളാണ് ചിത്രങ്ങളും വീഡിയോകളും ഏറ്റെടുത്തിരിക്കുന്നത്. 

സോഷ്യല്‍ മീഡിയയില്‍ അത്ര സജീവമായ താരമല്ലെങ്കിലും സാരിയണിഞ്ഞുള്ള പുതിയ ചിത്രം മീനാക്ഷി ദിലീപ് ഇന്‍സ്റ്റഗ്രാമിലും പങ്കുവെച്ചിട്ടുണ്ട്. ചിത്രത്തിനെല്ലാം മികച്ച കമന്റുകളാണ് ലഭിച്ചുകൊണ്ടിരിക്കുന്നത്.

രശ്മി മുരളീധരന്‍ ഡിസൈന്‍ ചെയ്ത ഫ്‌ളോറല്‍ അനാര്‍ക്കലിയായിരുന്നു മീനാക്ഷി അണിഞ്ഞത്. പൂക്കളുടെ ചിത്രവും താരം ക്യാപ്ഷനായി നല്‍കിയിട്ടുണ്ട്. 

ജയശ്രീ-ലതേഷ് ദമ്പതികളുടെ മകളായ ലയനയുടെ വിവാഹത്തിലേക്കൊയിരുന്നു ദിലീപും മീനാക്ഷിയും ഒന്നിച്ചെത്തിയത്. കുടുംബാംഗങ്ങളോടൊപ്പം ചിരിച്ചുല്ലസിക്കുന്ന മീനാക്ഷിയുടെ ദൃശ്യങ്ങളാണ് പുറത്ത് വന്ന വീഡിയോയിലുള്ളത്

മഞ്ജുവാര്യർ-ദിലീപ് ബന്ധം വേർപിരിഞ്ഞപ്പോള്‍ അച്ഛനോടൊപ്പം നില്‍ക്കാനായിരുന്നു മീനാക്ഷി താല്‍പര്യപ്പെട്ടത്. അതേസമയം കാവ്യയും ഇളയമകള്‍ മാമാട്ടിയെന്ന മഹാലക്ഷ്മിയേയും ആരാധകർ കമന്റുകളിലൂടെ അന്വേഷിച്ചുകൊണ്ടിരുന്നു.