ഇരുവര്‍ക്കും രണ്ടാം വിവാഹം, മുകേഷ്-ദേവിക പ്രണയവും സര്‍പ്രൈസ് വിവാഹവും- ചിത്രങ്ങളിലൂടെ

2013 ഒക്ടോബര്‍ 24നായിരുന്നു നടന്‍ മുകേഷും പ്രശസ്ത നര്‍ത്തകി മേതില്‍ ദേവികയും തമ്മിലുളള വിവാഹം

മുകേഷിന്റെയും ദേവികയുടേയും പ്രണയകഥ അധികമാര്‍ക്കും അത്ര അറിവില്ലാത്തതാണ്. അതിലൊരു റോള്‍ രമേശ് പിഷാരടിക്കുണ്ട്

2011ലാണ് ആദ്യഭാര്യ സരിതയുമായി മുകേഷ് വേര്‍പിരിയുന്നത്. അതിന് ശേഷമാണ് ദേവികയെ പരിചയപ്പെടുന്നത്

രമേഷ് പിഷാരടിക്ക് മേതില്‍ ദേവികയെ നേരത്തെ പരിചയമുണ്ടായിരുന്നു. പരിപാടി കഴിഞ്ഞ് കേരളത്തിലേക്കുളള മടക്ക യാത്രയില്‍ ദേവികയെ പരിചയപ്പെടുത്തിക്കൊടുക്കാമോയെന്ന് പിഷാരടിയോട് മുകേഷ് ചോദിച്ചു

മേതില്‍ ദേവികയെ പിഷാരടി അന്ന് മുകേഷിന് പരിചയപ്പെടുത്തിക്കൊടുത്തു. വിവാഹിതയാണോ എന്ന ചോദ്യത്തിന് അതെ എന്നായിരുന്നു ദേവിക മുകേഷിന് അന്ന് നല്‍കിയ ഉത്തരം

ദേവികയുടെ ആദ്യ വിവാഹം പാലക്കാട് സ്വദേശിയുമായിട്ടായിരുന്നു. ഈ ബന്ധത്തില്‍ ഒരു മകനുണ്ട്

പരിചയപ്പെട്ടത് അന്നാണെങ്കില്‍ അത് കഴിഞ്ഞ് വര്‍ഷങ്ങള്‍ക്ക് ശേഷമാണ് ഇരുവരും വിവാഹിതരാകുന്നത്. മുകേഷിന്റെ സഹോദരി സന്ധ്യയാണ് വിവാഹാലോചനയുമായി ചെല്ലുന്നത്

മുകേഷ് സംഗീത നാടക അക്കാദമി ചെയര്‍മാനായിരിക്കെ ദേവിക ജനറല്‍ കൗണ്‍സില്‍ അംഗമായിരുന്നു. ആ നിലയ്ക്കും ഇരുവരും തമ്മില്‍ പരിചയമുണ്ടായിരുന്നു