പ്രിയാമണിയും മുസ്തഫ രാജും തമ്മിലുള്ള വിവാഹം നിയമവിരുദ്ധമോ? ചോദ്യം ചെയ്ത് ആദ്യ ഭാര്യ രംഗത്ത്‌

പ്രിയാമണിയും മുസ്തഫ രാജും തമ്മിലുള്ള വിവാഹം നിയമവിരുദ്ധമോ? ചോദ്യം ചെയ്ത് ആദ്യ ഭാര്യ രംഗത്ത്‌

2017ലാണ് കാമുകന്‍ മുസ്തഫ രാജുമായുളള നടിയുടെ വിവാഹം കഴിഞ്ഞത്. ഏറെ നാളത്തെ പ്രണയത്തിനൊടുവില്‍ ആയിരുന്നു ഇവരുടെ വിവാഹം.

ഇപ്പോഴിതാ നടിയുമായുളള വിവാഹത്തിനെതിരെ മുസ്തഫയുടെ ആദ്യ ഭാര്യ ആയിഷ രംഗത്ത്. മുസ്തഫയും താനും തമ്മിലുള്ള വിവാഹം നിയമപരമായി വേര്‍പ്പെടുത്തിയിട്ടില്ലാത്തതിനാല്‍ പ്രിയാമണി-മുസ്തഫ വിവാഹം നിയമവിരുദ്ധമാണ് എന്ന് ആയിഷ പറയുന്നു.

2013 ലാണ് ആയിഷയുമായി മുസ്ത വേർപിരിയുന്നത്. എന്നാൽ മുസ്തഫയുമായുളള വിവാഹമോചനം കഴിഞ്ഞിട്ടില്ലെന്നും ഇപ്പോഴും താൻ അയാളുടെ ഭാര്യയാണെന്നും , ഞങ്ങൾക്ക്  രണ്ടു മക്കളാണുള്ളത്. ഇവര്‍ ആയിഷയുടെ ഒപ്പമാണന്നും ആയിഷ പറയുന്നു. 

മുസ്തഫക്കെതിരെ ഗാര്‍ഹിക പീഡന പരാതിയും ആഷിയ നല്‍കിയിട്ടുണ്ട്. വിവാഹ മോചന ഹര്‍ജി പോലും ഞങ്ങള്‍ സമര്‍പ്പിച്ചിരുന്നില്ല. പ്രിയാമണിയെ വിവാഹം ചെയ്യുന്ന വേളയില്‍ താന്‍ ബാച്ച്‌ലര്‍ ആണ് എന്നാണ് മുസ്തഫ കോടതിയെ അറിയിച്ചതെന്നും ആയിഷ.

ആയിഷ ഇത്രയും കാലം എന്തുകൊണ്ട് മൗനം പാലിച്ചുവെന്ന് മുസ്തഫ ചോദിക്കുമ്പോൾ രണ്ടു മക്കളുടെ അമ്മ എന്ന നിലയില്‍ എന്ത് ചെയ്യാന്‍ സാധിക്കും. രമ്യമായ പരിഹരത്തിന് ഏറെ ശ്രമിച്ചു. അത് നടക്കാത്തതിനാലാണ് മറ്റുവഴികളിലേക്ക് കടന്നത് എന്നാണ് ആയിഷയുടെ മറുപടി.

ആയിഷയുടെ ആരോപണത്തിനോട് പ്രതികരിച്ച് മുസ്തഫയും രംഗത്ത് വന്നു. തനിക്കെതിരെ ഉയരുന്ന ആരോപണം തെറ്റാണെന്നാണ്. താനിപ്പോൾ വിവാഹിതനാണെന്നും എന്നാൽ കുട്ടികളുടെ ചെലവിനായി പണം നൽകാറുണ്ടെന്നും മുസ്തഫ പറയുന്നു. 

2010 മുതൽ ഞാനും ആയിഷയും പിരിഞ്ഞ് ജീവിക്കുകയാണ്. 2013 ൽ വിവാഹമോചനം നേടി. ഇതിന് ശേഷമാണ് 2017 ൽ പ്രിയാമണിയെ വിവാഹം കഴിക്കുന്നത്. തന്നിൽ നിന്ന് പണം തട്ടിയെടുക്കാൻ വേണ്ടിയാണ് ഇത്തരത്തിലുള്ള ആരോപണമെന്നും മുസ്തഫ കൂട്ടിച്ചേർത്തു.

പ്രണയിച്ചിരുന്നനാൾ  പ്രിയാമണിക്കൊപ്പം ഒരുമിച്ച് ഷോകളില്‍ പങ്കെടുത്ത ശേഷമാണ് മുസ്തഫയെ കുറിച്ച് എല്ലാവരും അറിയുന്നത്. ഇരുവരും ഒരുമിച്ചുളള ചിത്രങ്ങളും വീഡിയോസുമെല്ലാം സോഷ്യല്‍ മീഡിയയില്‍ വൈറലാണ്. നടിയുടെ കരിയറിന് വലിയ പിന്തുണയാണ് മുസ്തഫ ഇപ്പോഴും നല്‍കുന്നത്.