വിഘ്‌നേശിന് നയന്‍താര ഒരുക്കിയ സര്‍പ്രൈസ് കണ്ടോ? കലക്കന്‍ എന്ന് ആരാധകര്‍

പൂക്കളും കേക്കും കൊണ്ട് മനോഹരമായ സര്‍പ്രൈസ് പാര്‍ട്ടിയാണ് നയന്‍താര ഒരുക്കിയത്.

പിറന്നാളിന് സര്‍പ്രൈസ് ഒരുക്കിയ എന്റെ തങ്കത്തിന് നന്ദി. നിന്റെ സാന്നിധ്യം തന്നെയാണ് എന്റെ ജീവിതത്തിലെ വലിയ സമ്മാനം എന്ന് വിഘ്‌നേശ് കുറിച്ചു.

നയന്‍താരയും വിഘ്‌നേശും തമ്മിലുള്ള വിവാഹ നിശ്ചയം അടുത്തിടെ കഴിഞ്ഞിരുന്നു.

നയന്‍താര സോഷ്യല്‍ മീഡിയയില്‍ അത്ര സജീവമല്ല. വിഘ്‌നേശ് ആണ് ഇരുവരുടെയും വിശേഷങ്ങള്‍ സോഷ്യല്‍ മീഡിയയില്‍ പങ്കുവെക്കാറ്.

അടുത്തിടെ ഒരു ടെലിവിഷന്‍ ഷോയില്‍ പങ്കെടുക്കാനെത്തിയ വേളയില്‍ നയന്‍താര തന്നെയാണ് ഇക്കാര്യം വെളിപ്പെടുത്തിയത്.

തിരക്കുകള്‍ക്കിടയിലും ആഘോഷങ്ങള്‍ ഒന്നും വിട്ടുകളയാത്ത താര ജോഡികള്‍ക്ക് ആശംസയുമായി നിരവധി ആരാധകരാണ് എത്തിയത്. സര്‍പ്രൈസ് മനോഹരമായിട്ടുണ്ടെന്ന് പലരും പ്രതികരിച്ചു.

ഇനി നയന്‍താരയുടെ വിവാഹത്തിനായി കാത്തിരിക്കുകയാണ് പ്രേക്ഷകര്‍.

തെന്നിന്ത്യയിലെ താര റാണിയാണ് നയന്‍താര. മലയാളത്തിലൂടെ സിനിമാ രംഗത്തെത്തി തെന്നിന്ത്യയില്‍ ഏറ്റവും മൂല്യമുള്ള നായികയായി മാറിയ നടിയാണ് നയന്‍താര.

നയന്‍താരയുടെ അച്ഛന്‍ കുര്യന്റെ ചികില്‍സാവശ്യാര്‍ഥം നടിയും വിഘ്‌നേശും അടുത്തിടെ കൊച്ചിയില്‍ വന്നിരുന്നു.