ഇതാര് കാവിലെ ഭഗവതി ഇറങ്ങി വന്നതോ.. സാരിയില്‍ അതി മനോഹരിയായി രഞ്ജിനി ഹരിദാസ്

വീണ്ടും സാരി ചിത്രങ്ങളുമായി ആരാധകരുടെ സ്വന്തം രഞ്ജിനി ഹരിദാസ്. പതിവ് പോലെ ഇന്‍സ്റ്റഗ്രാമിലാണ് താരം ചിത്രം പങ്കുവെച്ചിരിക്കുന്നത്

റോസ് നിറത്തിലുള്ള കസവ് സാരിയാണ് ചിത്രത്തിന്റെ ഹൈലൈറ്റ്. മികച്ച അഭിപ്രായമാണ് ചിത്രത്തിന് ലഭിച്ചുകൊണ്ടിരിക്കുന്നത്

നിരവധി ആരാധകരാണ് കമന്റുകള്‍ രേഖപ്പെടുത്തി രംഗത്ത് വന്നിരിക്കുന്നത്. ഇതാര് കാവിലെ ഭഗവതി നേരിട്ട് പ്രത്യക്ഷപ്പെട്ടതോ എന്നാണ് ഒരാള്‍ കമന്റ് ചെയ്തിരിക്കുന്നത്.

തന്റെ ചിത്രത്തിന് രസകരമായ അടിക്കുറിപ്പും താരം നല്‍കിയിട്ടുണ്ട്. ഓണം വന്നേ... എന്നാണ് താരം അടിക്കുറിപ്പായി ആദ്യം കുറിച്ചിരിക്കുന്നത്

ആഘോഷങ്ങള്‍ മുടങ്ങാത്ത ഒരു കാര്യമാണ്. ഒരു വലിയ കല്യാണ ആഴ്ചയില്‍ നിന്നും നേരെ ഓണത്തിലേക്ക്. പക്ഷേ ഓണം അല്ലെ..കുറച്ച് സദ്യകളും ഒത്തിരി പായസവും എന്നും താരം കുറിച്ചിരിക്കുന്നു.

മലയാളികളുടെ പ്രിയപ്പെട്ട താരങ്ങളിലൊരാളാണ് രഞ്ജിനി ഹരിദാസ്. ടെലിവിഷന്‍ അവതാരകയായി എത്തി പ്രേക്ഷകരുടെ മനം കവരുകയായിരുന്നു താരം.

ഐഡിയ സ്റ്റാർ സിങർ ഏഷ്യാനെറ്റിൽ സംപ്രേഷണം ആരംഭിച്ചപ്പോൾ മുതലാണ് രഞ്ജിനി ഹരിദാസ് എന്ന അവതാരകയെ പ്രേക്ഷകർ കണ്ടുതുടങ്ങിയത്.

അവതാരക എന്നതിന് പുറമെ നടി, ​ഗായിക എന്നീ നിലകളിലും രഞ്ജിനി തിളങ്ങിയിട്ടുണ്ട്. നല്ലൊരു മൃഗസ്നേഹി കൂടിയാണ് താരം.