സര്വവും തകര്ത്തെറിഞ്ഞ ദുരന്തം; മുണ്ടക്കൈയിലും ചൂരല്മലയിലും നടുക്കുന്ന കാഴ്ച്ചകള്
1/19
ദുരന്തത്തില് ഇതുവരെ സ്ഥിരീകരിച്ചത് 291 മരണമാണ്. 240 പേരെ ഇനിയും കണ്ടെത്താനുണ്ട്. ദുരിതാശ്വാസ ക്യാമ്പുകളിലായി കഴിയുന്നത് 1700 പേരാണ്. ഇന്നലത്തെ തിരച്ചിലില് കണ്ടെത്തിയത് നാല്പ്പതോളം മൃതദേഹങ്ങളാണ്. പുഞ്ചിരിമറ്റത്ത് അടക്കം തിരച്ചില് ഊര്ജിതമാക്കിയിരുന്നു. എന്നാല് തുടരെ പെയ്യുന്ന മഴയാണ് രക്ഷാപ്രവര്ത്തനത്തിന് വെല്ലുവിളിയാവുന്നത്.
2/19
വയനാട്ടിലെ ഉരുള്പ്പൊട്ടലില് മുണ്ടക്കൈ ടൗണ് തന്നെ പൂര്ണമായും ഇല്ലാതായിരിക്കുകയാണ്. വീടുകളെല്ലാം തകര്ന്നടിഞ്ഞു. പലരും ഉറ്റവരെ നഷ്ടപ്പെട്ട വേദനയിലാണ്. ഇനിയം കണ്ടെത്താനുള്ളവരും ഏറെയാണ്. രക്ഷാപ്രവര്ത്തനം ഇന്ന് ഊര്ജിതമാക്കുമെന്ന് സൈന്യം അറിയിച്ചിട്ടുണ്ട്.
3/19
ആറ് സോണുകളായി തിരിച്ചാണ് ദുരന്ത മേഖലയിലെ പരിശോധന. ബെയ്ലി പാലത്തിലൂടെ യന്ത്രങ്ങളും ആംബുലന്സുകളും എത്തിക്കും. ചാലിയാര് പുഴയുടെ 40 കിലോമീറ്റര് പരിധിയിലും തിരച്ചില് നടക്കും. രക്ഷാപ്രവര്ത്തകര് ആകെ ആശങ്കപ്പെടുന്നത് പ്രതികൂല കാലാവസ്ഥയെ മാത്രമാണ്. മഴ തടസ്സമായി വന്നില്ലെങ്കില് വലിയ പുരോഗതിയുണ്ടാവും.
4/19
കൂടുതല് ആസൂത്രിതമായിട്ടാണ് ഇന്നത്തെ തിരച്ചില് നടക്കുന്നത്. അട്ടമലയും ആറന്മലയും ചേര്ന്നതാണ് ആദ്യത്തെ സോണ്. മുണ്ടക്കൈ രണ്ടാമത്തെ സോണും, പുഞ്ചിരിമട്ടം മൂന്നാമത്തെ സോണും ആണ്. വെള്ളാര്മല വില്ലേജ് റോഡ് നാലാമത്തേതും, ജിവിഎച്ച്എസ്എസ് വെള്ളാര്മല അഞ്ചാമത്തെ സോണുമാണ്. പുഴയുടെ അടിവാരം ആറാമത്തെ സോണുമാണ്.
5/19
സൈന്യത്തിനൊപ്പം എന്ഡിആര്എഫ്, ഡിഎസ്ജി, കോസ്റ്റുഗാര്ഡ്, നേവി എന്നീ വിഭാഗങ്ങളും തിരച്ചിലിനുണ്ടാവും. ഓരോ ടീമിലും മൂന്നു നാട്ടുകാരും ഒരു വനംവകുപ്പ് ജീവനക്കാരനും ഉണ്ടാവും. ഇതിനൊപ്പം ചാലിയാര് പുഴയുടെ നാല്പ്പത് കിലോമീറ്ററില് പരിധിയില് പോലീസ് സ്റ്റേഷന് അതിര്ത്തികളിലും തിരച്ചിലും തുടരും. ദുരന്തത്തില് 29 കുട്ടികള് ഉള്പ്പെടെ 240 പേരെ ഇനിയും കിട്ടാനുണ്ട്.
6/19
ബെയ്ലി പാലം പ്രവര്ത്തന സജ്ജമായതോടെ രക്ഷാപ്രവര്ത്തനം വേഗത്തിലാകും. മേഖലയില് ഇനിയാരും ജീവനോടെ കുടുങ്ങി കിടക്കാന് സാധ്യതയില്ലെന്നാണ് സൈന്യത്തിന്റെ നിഗമനം. പക്ഷേ ജീവനോടെ ഇനിയാരെങ്കിലും ഉണ്ടോ എന്നറിയാനുള്ള പരിശോധന ശക്തമായി തന്നെ നടക്കുന്നുണ്ട്.
7/19
വലിയ ആശ്വാസം സംസ്ഥാനത്ത് മഴ കുറയുന്നുവെന്നതാണ്. കേന്ദ്ര കാലാവസ്ഥാ വകുപ്പ് മഴയുടെ തീവ്രത കുറയുന്നതായി അറിയിച്ചിട്ടുണ്ട്. ന്യൂനമര്ദപ്പാത്തിയുടെ സ്വാധീനം കുറഞ്ഞു. വയനാട്ടില് അടക്കം ഇന്ന് യെല്ലോ അലര്ട്ടാണ് ഉള്ളത്. രക്ഷാപ്രവര്ത്തനം കൂടുതല് ഊര്ജിതമാക്കാന് ഇത് സഹായിച്ചേക്കും.
8/19
ഉരുള്പ്പൊട്ടലിനെ തുടര്ന്ന് ചാലിയാര് പുഴയുടെ വിവിധ ഭാഗങ്ങളില് നിന്നായി ലഭിച്ച മൃതദേഹങ്ങളും മൃതദേഹാവശിഷ്ടങ്ങളും വയനാട്ടിലേക്ക് കൊണ്ടുവന്നു. മൃതദേഹങ്ങള് ബന്ധുക്കള്ക്ക് തിരിച്ചറിയാനുള്ള സൗകര്യത്തിനായി വയനാട്ടിലെത്തിക്കണമെന്ന് കഴിഞ്ഞ ദിവസം മുഖ്യമന്ത്രിയുടെ അധ്യക്ഷതയില് ചേര്ന്ന സര്വകക്ഷിയോഗത്തില് അഭിപ്രായം ഉയര്ന്നിരുന്നു.
9/19
കഴിഞ്ഞ ദിവസം ഗവര്ണര് ആരിഫ് മുഹമ്മദ് ഖാന് വയനാട്ടിലെ ഉരുള്പ്പൊട്ടല് ദുരന്തം ദേശീയ ദുരന്തമായി പ്രഖ്യാപിക്കണമെന്ന് ആവശ്യപ്പെട്ടിരുന്നു. ഗവര്ണര്മാരുടെ യോഗത്തിലായിരുന്നു ആരിഫ് മുഹമ്മദ് ഖാന് ഇക്കാര്യം ആവശ്യപ്പെട്ടത്. ദേശീയ ദുരന്തമായി പ്രഖ്യാപിക്കാന് കേന്ദ്ര സര്ക്കാരിനോട് അഭ്യര്ത്ഥിക്കുമെന്നും ഗവര്ണര് അറിയിച്ചു.
Use current location
Sign in with Google
Click it and Unblock the Notifications