സുശീൽ കുമാർ മോദി

സുശീൽ കുമാർ മോദി 2017 ജൂലായ് മുതൽ ബീഹാർ ഡെപ്യൂട്ടി മുഖ്യമന്ത്രിയായി സേവനമനുഷ്ഠിക്കുന്ന, ഭാരതീയ ജനതാ പാർട്ടിയിൽ നിന്നുമുള്ള ഒരു രാഷ്ട്രീയപ്രവർത്തകനാണ്. 1952-ൽ ജനിച്ച സുശീൽ മോദി പാറ്റ്ന ബി എൻ കോളജിൽ നിന്നും തന്റെ ബി എസ് സി ചെയ്തു. പാറ്റ്ന സയൻസ് കോളജിൽ നിന്നും ബിരുദമെടുത്ത അദ്ദേഹം 1973 -ൽ ബോട്ടണി ഓണേഴ്സ് ചെയ്തിട്ടുണ്ട്. പിന്നീട് അദ്ദേഹം ജയപ്രകാശ് നാരായൺ ആരംഭിച്ച സാമൂഹിക പ്രസ്ഥാനത്തിൽ ചേരുന്നതിനായി പാറ്റ്ന സർവകലാശാലയിൽ നിന്നും എം എസ് സി ബോട്ടണി വേണ്ട എന്ന് വെച്ചു. മുൻപ് അദ്ദേഹം ഡപ്യൂട്ടി മുഖ്യമന്ത്രിയും 2005 മുതൽ 2013 വരെ ബീഹാർ ധനകാര്യമന്ത്രിയായിരുന്നു എന്നത് പ്രധാനപ്പെട്ട ഒന്നാണ്. അദ്ദേഹം രാഷ്ട്രീയ സ്വയം സേവക് സംഘിന്റെ ആജീവനാന്ത അംഗവും 2011-ഇൽ ഗുഡ്സ് ഏന്റ് സർവീസ് നികുതിയുടെ നടപ്പിലാക്കലിനായി സംസ്ഥാന ധനകാര്യ മന്ത്രിമാരുടെ എംപവേർഡ് കമ്മിറ്റി ചെയർമാനായി നിയമിതനാകുകയും ചെയ്തിട്ടുണ്ട്.