ഐസിഎൽ ഫിൻകോർപ്പിന് ഡൽഹിയിൽ സോണൽ ഓഫീസും അഞ്ച് പുതിയ ബ്രാഞ്ചുകളും

ന്യൂ ഡൽഹി: രാജ്യതലസ്ഥാനത്ത് സോണൽ ഓഫീസും അഞ്ച് പുതിയ ബ്രാഞ്ചുകളും ആരംഭിച്ച് ഐസിഎൽ ഫിൻകോർപ്പ്. ന്യൂ ഡൽഹിയിലെ കോണോട്ട് പ്ലേസ് ബ്രാഞ്ചിൽ വെച്ച് അഡ്വ. കെ ജി അനിൽകുമാർ (ഗുഡ്‌വിൽ അംബാസഡർ, എൽഎസിടിസി, ഇന്ത്യ-ക്യൂബ ട്രേഡ് കമ്മീഷണർ, ചെയർമാൻ & മാനേജിംഗ് ഡയറക്ടർ ഐസിഎൽ ഫിൻകോർപ്പ്) ആണ് പുതിയ ഓഫീസുകളുടെ ഉദ്ഘാടനം നിർവഹിച്ചത്.

സാമ്പത്തിക സർവീസുകളുടെ ലഭ്യത വർദ്ധിപ്പിക്കുകയും ദേശീയ വികസനത്തെ പിന്തുണയ്ക്കുകയും ചെയ്യാനുള്ള മഹത്തായ മുന്നേറ്റമായാണ് ഈ പുതിയ തുടക്കം. ഐസിഎൽ ഫിൻകോർപ്പിന്റെ ഹോൾടൈം ഡയറക്ടർ, വൈസ് ചെയർപേഴ്സൺ & സിഇഒ ഉമ അനിൽകുമാർ ചടങ്ങിൽ ഭദ്ര ദീപം കൊളുത്തി. ഐസിഎൽ ഫിൻകോർപ്പ് എക്സിക്യൂട്ടീവ് ഡയറക്ടർ ഡോ. രാജശ്രീ അജിത് സ്വാഗത പ്രഭാഷണം നടത്തി. ഐസിഎൽ ഫിൻകോർപ്പിന്റെ ഇൻഡിപ്പെൻഡന്റ് ഡയറക്ടർ സിഎസ് ഷിന്റോ സ്റ്റാൻലി ചടങ്ങിനു നന്ദി അറിയിച്ചു.

ഡൽഹിയിലെ ജനങ്ങൾക്കു ഉപഭോക്തൃ-കേന്ദ്രിത ധനകാര്യ സേവനങ്ങൾ ലഭ്യമാക്കുന്നതിനുള്ള ഐസിഎൽ ഫിൻകോർപ്പിന്റെ ദൗത്യത്തിലേക്കുള്ള വലിയ നേട്ടമാണ് ഈ ഉദ്ഘാടനം. കോണോട്ട് പ്ലേസിന്റെ ഹൃദയഭാഗത്ത് ആരംഭിച്ച പുതിയ സോണൽ ഓഫീസ് ഈ മേഖലയിലെ പ്രധാന ഓപ്പറേഷൻസ് ഹബ് ആയി പ്രവർത്തിക്കും. ഇതിനെ കൂടുതൽ ശക്തിപ്പെടുത്തുന്നതിന് കോൺനോട്ട് പ്ലേസ്, മൽവിയ നഗർ, കരോൾ ബാഗ്, രാജീന്ദർ നഗർ, രോഹിണി എന്നിവിടങ്ങളിലായി അഞ്ചു പുതിയ ബ്രാഞ്ചുകളും ആരംഭിച്ചു. ഇതിലൂടെ ഡൽഹിയിൽ മെച്ചപ്പെട്ട സേവനലഭ്യതയും വേഗത്തിലുള്ള സർവീസ് ഡെലിവറിയും ഉപഭോക്താക്കൾക്ക് മികച്ച സൗകര്യവും ഉറപ്പാക്കുന്നു.

മുപ്പതിലധികം വർഷങ്ങളായി ഇന്ത്യൻ എൻബിഎഫ്സി മേഖലയിലെ വിശ്വസ്തമായ പേര് എന്ന നിലയിൽ ഐസിഎൽ ഫിൻകോർപ്പ് ജനങ്ങളിലേക്ക് സുരക്ഷിതവും സുതാര്യവുമായ ധനകാര്യ സേവനങ്ങൾ എത്തിച്ചു വരുന്നു. രാജ്യത്തുടനീളം രണ്ടായിരത്തിലധികം ജീവനക്കാർ, മുന്നൂറിലധികം ശാഖകൾ, മുപ്പത്തിയഞ്ച് ലക്ഷത്തിലധികം സന്തുഷ്ട ഉപഭോക്താക്കൾ എന്നിവയോടൊപ്പം ഐസിഎൽ ഫിൻകോർപ്പ് ജൈത്രയാത്ര തുടരുന്നു.

അഡ്വ. കെ ജി അനിൽകുമാറിന്റെയും ഉമ അനിൽകുമാറിന്റെയും നേതൃത്വത്തിൽ ആരംഭിക്കുന്ന ഈ പുതിയ അധ്യായം ഡൽഹിയിലെ ജനങ്ങളുമായുള്ള ബന്ധം കൂടുതൽ ശക്തമാക്കുകയും വിശ്വാസമേറിയ ധനകാര്യ സേവനങ്ങൾ ഉറപ്പാക്കുകയും ചെയ്യുന്നു. "മുപ്പതിലധികം വർഷങ്ങളായി ഐസിഎൽ ഫിൻകോർപ്പ് വിശ്വസ്തത, സുതാര്യത, ഉപഭോക്തൃ-കേന്ദ്രിത സമീപനം എന്നിവയുടെ പ്രതീകമാണ്," എന്ന് അഡ്വ. കെ ജി അനിൽകുമാർ പറഞ്ഞു. "ഈ വിപുലീകരണം, മികച്ച സേവന നിലവാരം നിലനിർത്തിക്കൊണ്ട് ഉപഭോക്താക്കൾക്ക് കൂടുതൽ സൗകര്യവും ലഭ്യതയും നൽകുകയെന്ന ഞങ്ങളുടെ ലക്ഷ്യത്തെ കൂടുതൽ ശക്തമാക്കുന്നതാണ്" എന്നും അദ്ദേഹം കൂട്ടിച്ചേർത്തു. കൂടുതൽ അറിയാൻ: iclfincorp.com, 011 4372 1463.