മിസ് ടീനേജർ പെറ്റൈറ്റ് യൂണിവേഴ്സ് 2026;മൂന്നാം റണ്ണറപ്പ് ആയി വേദ അനിൽകുമാർ

മിസ് ടീനേജർ പെറ്റൈറ്റ് യൂണിവേഴ്സ് 2026 മത്സരത്തിൽ 3-ാം റണ്ണർ-അപ്പ് ആയി ഇന്ത്യയിൽ നിന്നുള്ള വേദ അനിൽകുമാർ. കൂടാതെ മിസ് ടീനേജർ ഏഷ്യ പസഫിക് 2026 ടൈറ്റിലും വേദന നേടി. മാർച്ച് 30 മുതൽ ഏപ്രിൽ 4 വരെ നടന്ന മത്സര ആഴ്ചയ്ക്ക് ശേഷം ഇൻഡോനേഷ്യയിലെ ബാലിയിലായിരുന്നു ഗ്രാൻഡ് ഫൈനൽ നടന്നത്. യുവജന നയതന്ത്ര പ്രവർത്തനങ്ങളും ഹൈ-ഫാഷൻ ഇവന്റുകളും ഉൾപ്പെടുത്തിയ ഈ മത്സരത്തിൽ ഇന്ത്യ, യുഎസ്എ, യുകെ, ഇൻഡോനേഷ്യ, ഫിലിപ്പൈൻസ്, മംഗോളിയ, മെക്സിക്കോ തുടങ്ങിയ രാജ്യങ്ങളിൽ നിന്നായി 20-ൽ കൂടുതൽ പേർ പങ്കെടുത്തു.

14 വയസ്സുള്ള വേദ അനിൽകുമാർ ഇപ്പോൾ തൃപ്പൂണിത്തുറയിലെ ചോയ്സ് സ്കൂളിൽ 10-ാം ക്ലാസിൽ പഠിക്കുകയാണ്. തിരുവനന്തപുരം കാലിംഗ ട്രേഡേഴ്സ് എന്ന സ്ഥാപനത്തിന്റെ മാനേജിംഗ് ഡയറക്ടറായ അനിൽകുമാറിന്റെയും കാനറ ബാങ്ക് തോപ്പുംപടി ശാഖയിലെ ഓഫീസറായ ശ്രീമതി സൗമ്യ ബി യുടെയും മകളാണ് വേദ. 5 വയസ്സുള്ള അമേയ അനിൽകുമാർ എന്ന ഇളയ സഹോദരിയും വേദയ്ക്കുണ്ട്.

വേദ ഒരു പരിശീലനം നേടിയ ഭാരതനാട്യം നർത്തകിയാണ്. കൂടാതെ വെസ്റ്റേൺ ഡാൻസ് രൂപങ്ങളിലും അവൾ കഴിവ് തെളിയിച്ചിട്ടുണ്ട്. ഓസ്റ്റിയോ സാർക്കോമ (ഒരു തരത്തിലുള്ള അസ്ഥി കാൻസർ) അതിജീവിതയായ വേദ, ബുദ്ധിമുട്ടുകൾക്കിടയിലും സ്വപ്നങ്ങളെ പിന്തുടരാൻ ഒരിക്കലും പിന്മാറരുതെന്ന് തെളിയിച്ച് നിരവധി ആളുകൾക്ക് പ്രചോദനമാകുന്നു. അവളുടെ ജീവിതം സ്ഥിരതയുടെയും ദൃഢനിശ്ചയത്തിന്റെയും യഥാർത്ഥ ഉദാഹരണമാണ്.