അവരെയെല്ലാം വീട്ടിലേക്ക് വിളിക്കാം അച്ഛാ...കേരളത്തിന് വേണ്ടി വിതുമ്പി കുരുന്ന് ബാലൻ...വൈറലായി വീഡിയോ
മുംബൈ: കേരളം മഹാപ്രളയത്തിൽ നിന്നും കരകയറുകയാണ്. ഈ ഓണക്കാലം നമുക്ക് അതിജീവനത്തിന്റേതാണ്. ലോകത്തിന്റെ വിവിധ കോണുകളിൽ നിന്നും നമുക്ക് പലരും കൈത്താങ്ങേകുന്നു. ദെവത്തിന്റെ സ്വന്തം നാടിന്റെ ഇപ്പോഴത്തെ അവസ്ഥ കണ്ട് വിതുമ്പുന്ന ഒരു കുട്ടിയുടെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
പ്രധാനമന്ത്രിയുടെ ആത്മാർത്ഥതയെ ചോദ്യം ചെയ്യാൻ സൈബർ സഖാക്കൾ വളർന്നിട്ടില്ലെന്ന് ശോഭാ സുരേന്ദ്രൻ
ഐ ആം മറാത്തി എന്ന ഫേസ് ബുക്ക് പേജിലാണ് വീഡിയോ പ്രത്യക്ഷപ്പെട്ടത്. മലയാളമോ കേരളത്തെയോ ഈ കുട്ടിക്ക് അറിയാൻ വഴിയില്ല. പക്ഷെ ടിവിയിൽ മഹാപ്രളയത്തിന്റെ ദൃശ്യങ്ങൾ കണ്ട് ഇവരെയെല്ലാം വീട്ടിലേക്ക് വിളിക്കാമച്ഛാ-എന്ന് പറഞ്ഞ് വിതുമ്പുന്ന കുട്ടിയെ ആണ് വീഡിയോയിൽ കാണുന്നത്. എന്താണ് സംഭവിക്കുന്നതെന്ന് പിതാവ് പറഞ്ഞ്കൊടുക്കുമ്പോളും അവൻ വിതുമ്പിക്കൊണ്ടിരിക്കുകയാണ്.
സംവിധായിക അഞ്ജലി മേനോൻ തന്റെ ഫേസ് ബുക്ക് പേജിൽ ഈ ചിത്രം ഷെയർ ചെയ്തിട്ടുണ്ട്. കേരളത്തിന്റെ അവസ്ഥയോടുള്ള ഏറ്റവും പരിശുദ്ധമായ വികാരം എന്ന അടിക്കുറിപ്പോടെയാണ് അഞ്ജലി വീഡിയോ ഷെയർ ചെയ്തിരിക്കുന്നത്. ഈ കരുതലിന് നന്ദി അറിയിച്ച് നിരവധി പേരാണ് വീഡിയോയ്ക്ക് താഴെ കമന്റ് ചെയ്തിരിക്കുന്നത്.
ബാങ്കുകൾക്ക് നാല് ദിവസം അവധി; എടിഎമ്മുകൾ കാലിയായേക്കും... ബദൽ സംവിധാനവുമായി എസ്ബിഐ