സാധാരണക്കാരന്റെ ബജറ്റിൽ ഐഫോൺ; വിപണി പിടിക്കാൻ 17e എത്തി

ഒരു ആപ്പിൾ ഐഫോൺ വാങ്ങുക എന്നത് പല സാധാരണക്കാരുടെയും സ്വപ്നമായിരിക്കും. എന്നാൽ ഉയർന്ന വിലയാണ് ഈ ആഗ്രഹത്തിന് വിലങ്ങുതടി ആകുന്നത്. എന്നാൽ ഇപ്പോഴിതാ ബജറ്റ് ഉപഭോക്താക്കളെ ലക്ഷ്യമിട്ട് ഐഫോൺ 17 സീരീസിലേക്ക് ഏറ്റവും പുതിയ അംഗമായി 'ഐഫോൺ 17e എന്ന മോഡൽ ആപ്പിൾ(Apple iPhone 17e)പുറത്തിറക്കി. മുൻഗാമിയായ ഐഫോൺ 16e-യിൽ നിന്ന് ഏറെ വ്യത്യസ്തവും കരുത്തുറ്റതുമായ ഫീച്ചറുകളുമായാണ് വിപണിയിൽ എത്തുന്നത്. മികച്ച പ്രകടനവും കൂടുതൽ സ്റ്റോറേജ് സൗകര്യവും കുറഞ്ഞ വിലയിൽ ആഗ്രഹിക്കുന്നവർക്ക് ഈ ഐഫോൺ മികച്ച ചോയ്സ് ആയിരിക്കും.

പ്രധാന സവിശേഷതകൾ

അത്യുഗ്രൻ പ്രകടനം (A19 Chip): ഏറ്റവും പുതിയ ആപ്പിൾ A19 ബയോണിക് ചിപ്പാണ് ഐഫോൺ 17e-യുടെ ഹൃദയം. 3-നാനോമീറ്റർ സാങ്കേതികവിദ്യയിൽ നിർമ്മിച്ച ഈ ചിപ്പ് മികച്ച പെർഫോമൻസും ഊർജ്ജക്ഷമതയും നൽകുന്നു. മുൻ മോഡലിനേക്കാൾ വേഗതയേറിയ പ്രകടനവും ഉയർന്ന തലത്തിലുള്ള ഗെയിമിംഗും ഇത് ഉറപ്പാക്കുന്നു.

സ്റ്റോറേജിൽ വമ്പൻ വർദ്ധനവ്: ഐഫോൺ 17e-യുടെ ഏറ്റവും വലിയ ആകർഷണം അതിന്റെ ബേസ് സ്റ്റോറേജാണ്. 128GB-ക്ക് പകരം 256GB സ്റ്റോറേജാണ് ബേസ് മോഡലിൽ ലഭിക്കുന്നത്. ഇത് ഫോട്ടോകളും വീഡിയോകളും സൂക്ഷിക്കാൻ കൂടുതൽ സ്ഥലം നൽകുന്നു. കൂടാതെ, 512GB വേരിയന്റും ലഭ്യമാണ്.

മാഗ്‌സേഫ് (MagSafe) പിന്തുണ: 'e' സീരീസിൽ ആദ്യമായി മാഗ്‌സേഫ് വയർലെസ് ചാർജിംഗ് സൗകര്യം ഉൾപ്പെടുത്തിയിരിക്കുന്നു. ഇത് 15W വരെയുള്ള വേഗതയിൽ സുരക്ഷിതമായി ചാർജ് ചെയ്യാനും വിവിധ മാഗ്നെറ്റിക് ആക്‌സസറികൾ ഉപയോഗിക്കാനും സഹായിക്കുന്നു.

ക്യാമറ: 48 മെഗാപിക്സൽ ഫ്യൂഷൻ മെയിൻ ക്യാമറയാണ് ഫോണിലുള്ളത്. മികച്ച ഫോട്ടോകൾക്കും 4K ഡോൾബി വിഷൻ വീഡിയോകൾക്കും ഇത് സഹായിക്കുന്നു. കൂടാതെ, 2x ഒപ്റ്റിക്കൽ ക്വാളിറ്റി സൂം സൗകര്യവും ലഭ്യമാണ്.

ഡിസ്‌പ്ലേയും കരുത്തും: 6.1 ഇഞ്ച് സൂപ്പർ റെറ്റിന XDR OLED ഡിസ്‌പ്ലേയാണ് ഫോണിലുള്ളത്. കൂടുതൽ സുരക്ഷയ്ക്കായി സെറാമിക് ഷീൽഡ് 2 (Ceramic Shield 2) ഇതിൽ ഉപയോഗിച്ചിരിക്കുന്നു. ഇത് പഴയതിനേക്കാൾ മൂന്നിരട്ടി സ്ക്രാച്ച് റെസിസ്റ്റൻസ് നൽകുന്നു.

വിലയും ലഭ്യതയും

ഇന്ത്യയിൽ ഐഫോൺ 17e-യുടെ 256GB മോഡലിന് 64,900 രൂപയാണ് വില. 512GB മോഡലിന് 84,900 രൂപയും ചെലവാകും. ബ്ലാക്ക്, വൈറ്റ്, സോഫ്റ്റ് പിങ്ക് എന്നീ മൂന്ന് നിറങ്ങളിൽ ഫോൺ ലഭ്യമാണ്. മാർച്ച് 4 മുതൽ പ്രീ-ഓർഡറുകൾ ആരംഭിക്കും, മാർച്ച് 11 മുതൽ ഫോൺ വിപണിയിൽ ലഭ്യമാകും.

ഐഫോൺ 17e-യുടെ ഈ വരവ് ആപ്പിൾ പ്രേമികൾക്ക് വലിയൊരു ആശ്വാസമാണ്. മികച്ച സാങ്കേതികവിദ്യകൾ ബജറ്റ് വിലയിൽ ലഭിക്കുന്നു എന്നതാണ് ഈ ഫോണിന്റെ ഏറ്റവും വലിയ പ്രത്യേകത.