ഒന്നോ രണ്ടോ അല്ല, ആറ് മാസത്തേക്ക് വാലിഡിറ്റി, 12 ജി ബി ഡാറ്റ, തീർന്നില്ല; വി ഐയുടെ ഓഫർ ഇങ്ങനെ..

രാജ്യത്തെ മൂന്നാമത്തെ വലിയ ടെലികോം കമ്പനിയായ വോഡഫോൺ ഐഡിയ (Vi) ഉപയോക്താക്കൾ അടിപൊളി ഓഫറുമായി എത്തിയിരിക്കുകയാണ്. 949 രൂപയുടെ പ്രീപെയ്ഡ് പ്ലാൻ ആണ് വി ഐ വാ​ഗ്ദാനം ചെയ്തിട്ടുള്ളത്. ഇത് വോഡഫോൺ ഐഡിയയിൽ നിന്നുള്ള ഒരു പുതിയ പ്രീപെയ്ഡ് റീചാർജ് പ്ലാനല്ലെങ്കിലും പലപ്പോഴും ഈ പ്ലാനിനെക്കുറിച്ച് ആളുകൾ ചിന്തിക്കാറില്ല.

949 രൂപ എന്ന് കേൾക്കുമ്പോൾ നിങ്ങൾക്ക് ആദ്യം ഒരു താല്പര്യക്കുറവ് തോന്നാം. വലിയ തുകയാണെന്നും തോന്നാം. എന്നാൽ 180 ദിവസത്തെ സേവന വാലിഡിറ്റായാണ് ഈ പ്ലാനിലൂടെ നിങ്ങൾക്ക് ലഭിക്കുന്നത്. ഈ പ്ലാൻ ഉപയോ​ഗിച്ചാണ് നിങ്ങൾ റീചാർജ് ചെയ്യുന്നതെങ്കിൽ അടുത്ത ആറ് മാസത്തേക്ക് നിങ്ങൾക്ക് റീചാർജിനെക്കുറിച്ചോർത്ത് വിഷമിക്കേണ്ട.

വി ഐ സിം നിങ്ങൾ പ്രൈമറി സിമ്മായി ഉപയോ​ഗിക്കുന്നവരാണെങ്കിലും അല്ലെങ്കിൽ സെക്കന്ററി സിമ്മായിട്ടാണ് ഉപയോ​ഗിക്കുന്നതെങ്കിലും നഷ്ടമില്ലാത്ത ഒരു ഓഫർ തന്നെ ആയിരിക്കും. പ്ലാനിനെക്കുറിച്ചുള്ള വിശദവിവരങ്ങളും ഈ പ്ലാൻ റീചാർജ് ചെയ്യുന്നതിലൂടെ നിങ്ങൾക്ക് ലഭിക്കുന്ന ഓഫറുകൾ എന്തൊക്കെയാണെന്നും നോക്കാം..

വോഡഫോൺ ഐഡിയ 949 രൂപയുടെ പ്ലാൻ 180 ദിവസത്തെ വാലിഡിറ്റി: 949 രൂപ റീചാർജ് ചെയ്യുമ്പോൾ 180 ദിവസത്തെ അൺലിമിറ്റഡ് വോയ്സ് കോളിം​ഗ്, 12 ജി ബി ഡാറ്റ, 1200 എസ് എം എസ്, 180 ദിവസത്തെ സേവന വാലിഡിറ്റ് എന്നിവയാണ് നിങ്ങൾക്ക് നൽകുന്നത്. ഉപയോക്താക്കൾക്കായി വി ഐ മൂവീസ് ആന്റ് ടി വി ബേസിക് എന്നീ അധിക നേട്ടവും ലഭിക്കും. ഒ ടി ടി ( ഓവർ ദി ടോപ്പ്) സബ്സ്ക്രിപ്ഷൻ ഉപയോ​ഗിച്ച് നിങ്ങൾക്ക് ലൈവ് ടി വി, വാർത്തകൾ, സിനിമകൾ ഒറിജിനൽ എന്നിവയും ലഭ്യമാണ്.

നിങ്ങളുടെ 12 ജി ബി അതിവേ​ഗ ഡാറ്റ പെട്ടെന്ന് തന്നെ തീർന്നുപോയാൽ ആവശ്യമെങ്കിൽ വി ഐ നൽകുന്ന ഡാറ്റ വൗച്ചർ ഉപയോ​ഗിച്ച് നിങ്ങൾക്ക് റീചാർജ് ചെയ്യാവുന്നതാണ്. 1200 എസ് എം എസ് മാത്രമേ ഉള്ളൂ. പ്രൈമറി സിമ്മിന് ആണ് ഈ ഓഫർ ചെയ്യുന്നതെങ്കിൽ ഓർക്കുക.
ഓഫർ അവസാനിച്ചുകഴിഞ്ഞാൽ ഓരോ എം ബി ഡാറ്റയ്ക്ക് 50 പൈസ ചെലവ് വരുമെന്ന് വി ഐ സൂചിപ്പിച്ചു. എസ് എം എസ് (ലോക്കൽ) ഒരു രൂപയും എസ് എം എസ് ( എസ് ടി ഡി) ഒന്നിന് 1.5 രൂപയുമായിരിക്കും. ഈ ഓഫർ നിങ്ങൾക്ക് ​ഗുണകരമാണോ എന്ന് ആലോചിച്ചൂ നോക്കൂ.

English summary

Do You Know The Benefits Of Vodafone Idea's 949 Prepaid Plan , Here Are The Details