ഒരുദിവസം മുഴുവന് ബാറ്ററി ബാക്കപ്പ്..! ഞെട്ടിക്കാന് വീണ്ടും ജിയോബുക്ക്, ലോഞ്ചിംഗ് തിയതി പുറത്ത്
ജിയോബുക്കിന്റെ ഏറ്റവും പുതിയ പതിപ്പ് അവതരിപ്പിക്കാനൊരുങ്ങി ജിയോ. കഴിഞ്ഞ വര്ഷം ഒക്ടോബറില് അവതരിപ്പിച്ച ജിയോബുക്കിന്റെ പുതുക്കിയ പതിപ്പായിരിക്കും ഇത്. പുതിയോ ജിയോബുക്കിന്റെ ലോഞ്ചിംഗ് തിയതി ഇ-കൊമേഴ്സ് വെബ്സൈറ്റായ ആമസോണില് പങ്ക് വെച്ച ടീസറിലൂടെ പുറത്ത് വിട്ടിട്ടുണ്ട്. മൊബൈല് കണക്ഷനില് സൃഷ്ടിച്ച വിപ്ലവം ലാപ്ടോപ്പിലേക്കും കൊണ്ടുവരാം എന്ന പ്രതീക്ഷയിലാണ് ജിയോ.
എല്ലാവര്ക്കും താങ്ങാനാവുന്ന വിലയില് ഒരു ലാപ്ടോപ്പ് എന്ന പ്രഖ്യാപനത്തോടെയാണ് ജിയോ, ജിയോബുക്ക് പുറത്തിറക്കിയത്. വെറും 15000 രൂപയായിരുന്നു ഇതിന്റെ വില. 11.6 ഇഞ്ച് സ്ക്രീനും 1366ഃ768 റെസലൂഷനും ആന്റി-ഗ്ലെയര് കോട്ടിംഗും ആയിരുന്നു ജിയോബുക്ക് 2022 ന് ഉണ്ടായിരുന്നു. 1.2 കിലോഗ്രാം ആയിരുന്നു ഭാരം. ഒക്ടാകോര് ക്വാല്കോം പ്രൊസസറും അഡ്രിനോ ജിപിയുവുമാണ് ജിയോബുക്കിന്റെ ആദ്യപതിപ്പിന് കരുത്തേകിയിരുന്നത്.
ജിയോ ഒഎസിലാണ് ലാപ്ടോപ്പ് പ്രവര്ത്തിക്കുന്നത്. 5000 എംഎഎഎച്ച് ബാറ്ററിയില് എട്ട് മണിക്കൂറിലധികം ബാക്കപ്പ് നല്കാന് കഴിയുമെന്ന് ജിയോ അവകാശപ്പെട്ടിരുന്നു. വൈഫൈ, ബ്ലൂടൂത്ത് 5.0, 4 ജി, എച്ച്ഡിഎംഐ, രണ്ട് യുഎസ്ബി പോര്ട്ടുകള്, ഒരു ഹെഡ്ഫോണ് ജാക്ക് എന്നിവയും ആദ്യ പതിപ്പിന്റെ ആകര്ഷണങ്ങളായിരുന്നു. സ്റ്റീരിയോ സ്പീക്കറുകള്, 2എംപി വെബ്ക്യാം, ആപ്പുകള് ഡൗണ്ലോഡ് ചെയ്യുന്നതിനായി ഒരു പ്രത്യേക ജിയോസ്റ്റോര് എന്നിവയുമുണ്ടായിരുന്നു.
തീര്ച്ചയായും ഇതിന്റെ അപ്ഗ്രേഡ് മോഡലാണ് ഇനി വരാനിരിക്കുന്ന ജിയോബുക്ക്. ജൂലൈ 31 ന് ആണ് ഇന്ത്യയില് ജിയോബുക്ക് ലോഞ്ച് ചെയ്യുന്നത് എന്നാണ് ആമസോണ് പുറത്തിറക്കിയ ടീസറില് വ്യക്തമാകുന്നത്. എന്നാല് ഇതിന്റെ വില സംബന്ധിച്ച് വ്യക്തത വന്നിട്ടില്ല. അതേസമയം പ്രധാനമായും വിദ്യാര്ത്ഥികളേയും ഉദ്യോഗസ്ഥരേയും ലക്ഷ്യമിട്ട് തന്നെയാണ് പുതിയ പതിപ്പും ജിയോ പുറത്തിറക്കുന്നത് എന്ന് വ്യക്തമാണ്.
എല്ലാ പ്രായക്കാര്ക്കും വേണ്ടി രൂപകല്പ്പന ചെയ്തിരിക്കുന്നത്. നീലനിറത്തിലുള്ള ജിയോബുക്കിന്റെ പുതിയ പതിപ്പില് പിന്വശത്ത് 'ജിയോ' എന്ന് ബ്രാന്ഡിംഗ് നല്കിയിട്ടുണ്ട്. എപ്പോഴും 4ജി മോഡ് ഓണായിരിക്കുന്നതിനാല് തടസമില്ലാത്ത ഇന്റര്നെറ്റ് കണക്ഷന് ലഭിക്കും. മുന്പതിപ്പിനെ അപേക്ഷിച്ച് ഭാരം 1.2 കിലോഗ്രാമില് നിന്ന് 990 ഗ്രാം ആയി കുറച്ചിട്ടുണ്ട്. ജിയോഒഎസില് തന്നെയായിരിക്കും ലാപ്ടോപ്പ് പ്രവര്ത്തിക്കുക.
ജിയോബുക്കിന്റെ ഏറ്റവും വലിയ ആകര്ഷണം ബാറ്ററി ബാക്കപ്പ് ആണ്. ഒരു ദിവസം മുഴുവന് ബാറ്ററി ബാക്കപ്പ് ആണ് ജിയോബുക്ക് അവകാശപ്പെടുന്നത്. ആദ്യപതിപ്പ് ജിയോബുക്ക് റിലയന്സ് ഡിജിറ്റല് സ്റ്റോറുകള് വഴി മാത്രമാണ് ലഭ്യമാക്കിയത്. എന്നാല് പുതുക്കിയ പതിപ്പ് ആമസോണില് എത്തുമെന്ന് ഉറപ്പായിട്ടുണ്ട്. മറ്റ് പ്ലാറ്റ്ഫോമുകൡ ലഭ്യമാകുമോ എന്നത് സംബന്ധിച്ച് നിലവില് വ്യക്തതയില്ല.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google