ടെക് ലോകത്തെ വിറപ്പിക്കാൻ ഓപ്പോ റെനോ 16 വരുന്നു; ഫീച്ചറുകൾ കണ്ടാൽ ഞെട്ടും

ഓപ്പോയുടെ റെനോ സീരീസ് ഫോണുകൾക്ക് ഇന്ത്യൻ വിപണിയിൽ വലിയ സ്വീകാര്യതയാണ് ലഭിക്കാറുള്ളത്. കഴിഞ്ഞ മാസം ഇന്ത്യയിൽ അവതരിപ്പിച്ച ഓപ്പോ റെനോ 15 സീരീസിന് പിന്നാലെ, അതിന്റെ അടുത്ത തലമുറയായ ഓപ്പോ റെനോ 16 (Oppo Reno 16) സീരീസിനെക്കുറിച്ചുള്ള വിവരങ്ങൾ പുറത്തുവന്നിരിക്കുകയാണ്. പുതിയ റിപ്പോർട്ടുകൾ പ്രകാരം, ഈ സീരീസ് ഇപ്പോൾ ടെസ്റ്റിംഗ് ഘട്ടത്തിലാണ്.

200 മെഗാപിക്സൽ ക്യാമറയും കരുത്തുറ്റ ചിപ്‌സെറ്റും
ഓപ്പോ റെനോ 15 സീരീസിനേക്കാൾ വിപുലമായ ഫീച്ചറുകളുമായാണ് റെനോ 16 എത്തുന്നത്. ഈ സ്മാർട്ട്‌ഫോണിന്റെ ഏറ്റവും വലിയ ആകർഷണം അതിന്റെ 200 മെഗാപിക്സൽ പ്രൈമറി ക്യാമറ ആയിരിക്കും. ഇതിനൊപ്പം തന്നെ മികച്ച സൂമിംഗ് അനുഭവത്തിനായി 50 മെഗാപിക്സൽ ടെലിഫോട്ടോ ക്യാമറയും ഫോണിലുണ്ടാകുമെന്ന് റിപ്പോർട്ടുകൾ സൂചിപ്പിക്കുന്നു. ഫോട്ടോഗ്രാഫി പ്രേമികൾക്ക് മുൻഗണന നൽകുന്ന രീതിയിലാണ് ഓപ്പോ ഈ പുതിയ സീരീസ് ഡിസൈൻ ചെയ്തിരിക്കുന്നത്.

മീഡിയടെക് ഡിമൻസിറ്റിയുടെ ഏറ്റവും പുതിയ 8500 സീരീസ് ചിപ്‌സെറ്റായിരിക്കും റെനോ 16 സീരീസിൽ ഉപയോഗിക്കാൻ സാധ്യതയുള്ളത്. ഇത് ഫോണിന്റെ പ്രകടനക്ഷമത വർദ്ധിപ്പിക്കുകയും ഗെയിമിംഗിലും മൾട്ടിടാസ്കിംഗിലും മികച്ച അനുഭവം നൽകുകയും ചെയ്യും. പ്രീമിയം ലുക്കിനായി മെറ്റൽ ഫ്രെയിമിലായിരിക്കും ഫോൺ നിർമ്മിക്കുകയെന്നും വിവരമുണ്ട്.

ഡിസ്‌പ്ലേയും മറ്റ് ഫീച്ചറുകളും

ഓപ്പോ റെനോ 16 സീരീസിൽ വിവിധ വലിപ്പത്തിലുള്ള ഫ്ലാറ്റ് ഡിസ്‌പ്ലേകളുണ്ടാകും. 6.32 ഇഞ്ച് ഡിസ്‌പ്ലേയുള്ള ഒരു മോഡലും 6.78 ഇഞ്ചിന്റെ മറ്റൊരു മോഡലും ഈ സീരീസിൽ പ്രതീക്ഷിക്കുന്നു. ആൻഡ്രോയിഡ് 16-ലായിരിക്കും ഈ സ്മാർട്ട്‌ഫോണുകൾ പ്രവർത്തിക്കുന്നത്. റെനോ 15 സീരീസ് പോലെ തന്നെ ഇതിലും റെനോ 16, റെനോ 16 പ്രോ, റെനോ 16 പ്രോ മിനി എന്നീ മോഡലുകൾ ഉൾപ്പെട്ടേക്കാം.

ഈ വർഷം പകുതിയോടെ ചൈനീസ് വിപണിയിൽ എത്തുന്ന ഈ ഫോണുകൾ വൈകാതെ തന്നെ ഇന്ത്യയിലും എത്തുമെന്നാണ് പ്രതീക്ഷിക്കുന്നത്. റെനോ 15 സീരീസിന്റെ വില ഇന്ത്യയിൽ 45,999 രൂപ മുതലായിരുന്നു ആരംഭിച്ചത്. അതിനാൽ റെനോ 16 സീരീസിനും പ്രീമിയം പ്രൈസ് ടാഗ് തന്നെ പ്രതീക്ഷിക്കാം.