റീചാര്‍ജ് ചെയ്യാതെ ജിയോ, എയര്‍ടെല്‍, വിഐ, ബിഎസ്എന്‍എല്‍ സിമ്മുകള്‍ പ്രവര്‍ത്തിക്കും! എത്ര ദിവസം?

മുംബൈ: മൊബൈൽ ഉപയോക്താക്കൾക്ക് സന്തോഷവാർത്ത. ഉപയോക്താക്കൾക്ക് അവരുടെ മൊബൈൽ സേവനങ്ങൾ തുടർച്ചയായി റീചാർജ് ചെയ്യാതെ തന്നെ ദീർഘകാലത്തേക്ക് നിലനിർത്താൻ സഹായിക്കുന്ന മാർ​ഗനിർദ്ദേശം പുറപ്പെടുവിപ്പിച്ചിരിക്കുകയാണ് ടെലികോം റെ​ഗുലേറ്ററി അതോറിറ്റി ഓഫ് ഇന്ത്യ.

ജിയോ, എയർടെൽ, വി ഐ, ബി എസ്എൻഎൽ എന്നിവയുൾപ്പെടെ പ്രമുഖ ഇന്ത്യൻ ടെലികോം ദാതാക്കൾക്കാണ് സിം കാർഡുകളുടെ സാധുത കാലയളവ് നീട്ടുന്നത് സംബന്ധിച്ച് ട്രായി മാർ​ഗനിർദ്ദേശം നൽകിയിരിക്കുന്നത്. ജിയോ, എയർടെൽ, വി ഐ, ബി എസ് എൻ എൽ എന്നീ സിം കാർഡുകൾ ദീർഘകാലത്തേക്ക് റീചാർജ് ചെയ്യാതെ തന്നെ ആക്ടീവ് ആയി നിർത്താൻ സാധിക്കും.

ജിയോ സിം വാലിഡിറ്റി:

ജിയോ ഉപയോകതാക്കൾക്ക് സിം റീചാർജ് ചെയ്യാതെ 90 ദിവസത്തേക്ക് ആക്ടീവ് ആയി നിലനിർത്താൻ സാധിക്കും. ഈ കാലയളവിന് ശേഷം വീണ്ടും ആക്ടീവാക്കാൻ പ്ലാൻ ആവശ്യമാണ്. ഈ 90 ദിവസങ്ങളിൽ ഇൻകമിം​ഗ് കോളുകൾ വ്യത്യസ്തപ്പെടാം. ചില ഉപയോക്താക്കൾക്ക് ഒരു മാസത്തേക്കോ, ഒരു ആഴ്ചത്തേക്കോ അല്ലെങ്കിൽ ഒരു ദിവസത്തേക്കോ ആവാം ( മുൻപത്തെ/ അവസാനത്തെ റീചാർജ് അനുസരിച്ച്). 90 ദിവസം നിഷ്ക്രിയമായിട്ടും ഉപയോക്താവ് റീചാർജ് ചെയ്യുന്നില്ലെങ്കിൽ ജിയോ സിം ശാസ്വതമായി വിച്ഛേദിക്കപ്പെടുകയും ആ സിം മറ്റൊരാൾക്ക് നൽകുകയും ചെയ്യും.

എയർടെൽ: എയർടെൽ സിം കാർഡുകൾ റീചാർജ് ചെയ്യാതെ തന്നെ 90 ദിവസത്തിലധികം ആക്ടീവായി തുടരും. ഈ കാലയളവിന് ശേഷം ഉപയോക്താക്കൾക്ക് അവരുടെ നമ്പർ റിയാക്ടീവ് ചെയ്യാൻ 15 ദിവസത്തെ ​ഗ്രേസ് പിരിഡ് ലഭിക്കും. എന്നിട്ടും ചെയ്തില്ലെങ്കിൽ അതേ നമ്പർ പുതിയ ഉപയോക്താവിന് ലഭിക്കും

വിഐ( വോഡഫോൺ ഐഡിയ) :

വി ഐ ഉപയോക്താക്കൾക്ക് അവരുടെ സിം റീചാർജ് ചെയ്യാതെ 90 ദിവസത്തേക്ക് ​ഗ്രേസ് പിരിഡ് ലഭിക്കും. ഇതിന് ശേഷം നമ്പറിന്റെ സേവനങ്ങൾ നിലനിർത്താൻ 49 രൂപയുടെ വാലിഡിറ്റി പ്ലാൻ ആക്ടീവാക്കണം.

ബി എസ് എൻ എൽ: സർക്കാർ ഉടമസ്ഥതിലുള്ള ബി എസ് എൻ എൽ ആണ് ഇന്ത്യയിൽ ഏറ്റവും ദൈർഘ്യമേറിയ കാലാവധി നൽകുന്നത്. ബി എസ് എൻ എൽ സി റീചാർജ് ചെയ്യാതെ 180 ദിവസത്തേക്ക് ആക്ടീവായി തുടരും. ഇടയ്ക്കിടെ റീചാർജുകൾ ഒഴിവാക്കാൻ ആ​ഗ്രഹിക്കുന്നവർക്ക് ഇത് ഉപകാരപ്രദമായിരിക്കും. ട്രായിയുടെ പുതിയ മാർ​​ഗനിർദ്ദേശം ഒന്നിലധികം സിം കാർഡുകൾ ഉപയോ​ഗിക്കുന്ന ഉപയോക്താക്കൾക്ക് ​ഗുണം ചെയ്യും.

‌