മൊബൈല് ഫോണിന്റെ ബാറ്ററി കപ്പാസിറ്റി കുറവാണോ? ഈ സിംപിള് ട്രിക്കുകള് പരീക്ഷിച്ച് നോക്കൂ
സ്മാര്ട്ട് ഫോണുകള് നമ്മുടെയെല്ലാം ജീവിതത്തിന്റെ ഭാഗമായത് വളരെ പെട്ടെന്നാണ്. ഇന്ന് ഫോണില്ലാതെ ഒരു നിമിഷം പോലുമിരിക്കാന് പലര്ക്കുമാവില്ല. അതിനാല് തന്നെ ഫോണുമായി ബന്ധപ്പെട്ട എല്ലാ കാര്യങ്ങളിലും നമ്മള് ശ്രദ്ധാലുക്കളായിരിക്കും. സ്മാര്ട്ട് ഫോണുകളില് പൊതുവെ എല്ലാവരും പറയുന്ന പരാതികളില് ഒന്നാണ് ബാറ്ററി ലൈഫ് കിട്ടാറില്ല എന്നത്.
ഫോണ് ഉപഭോഗവും ബാറ്ററി ലൈഫും നേരിട്ട് ബന്ധപ്പെട്ടിരിക്കുന്നു എന്ന് എല്ലാവര്ക്കും അറിയാമല്ലോ. എങ്കിലും ചിലര്ക്കെങ്കിലും ഉപഭോഗം താരതമ്യേന കുറവാണെങ്കിലും പ്രതീക്ഷിച്ച ബാറ്ററി ലൈഫ് കിട്ടുന്നുണ്ടായിരിക്കില്ല. ഇത് പലരും ഉപയോഗിക്കുന്ന മൊബൈല് കമ്പനികള്ക്ക് അനുസരിച്ച് വ്യതിയാനപ്പെടും. എങ്കിലും വേറെയും ചില കാരണങ്ങളുണ്ട് എന്നതാണ് യാഥാര്ത്ഥ്യം.
സ്മാര്ട്ട് ഫോണുകളില് ലിഥിയം-അയണ് ബാറ്ററികള് ആണുള്ളത്. കാലക്രമേണ ഇതിന്റെ രാസ സ്വഭാവം കാരണം അവയുടെ ശേഷി നഷ്ടപ്പെടാം. അതായത് ഉപയോഗത്തിന് ആനുപാതികമാണ് ഇത് എന്നര്ത്ഥം. എങ്കിലും സോഫ്റ്റ്വെയറിലെ പുരോഗതിക്കൊപ്പം സ്മാര്ട്ട്ഫോണ് നിര്മ്മാതാക്കള് ബാറ്ററി ലൈഫ് നഷ്ടപ്പെടുന്ന പ്രക്രിയയെ മന്ദഗതിയിലാക്കാന് പുതിയ വഴികള് കണ്ടെത്തിയിട്ടുണ്ട്.
അതിനാല് തന്നെ ഇത് ഉപയോക്താക്കളെ അവരുടെ സ്മാര്ട്ട്ഫോണ് ബാറ്ററികളുടെ ദീര്ഘായുസ് വര്ധിപ്പിക്കാനും കൂടുതല് നേരം ഉപയോഗിക്കാനും അനുവദിക്കുന്നു. ആപ്പിള് ഉള്പ്പെടെയുള്ള സ്മാര്ട്ട്ഫോണ് നിര്മ്മാതാക്കള് കടുത്ത ചൂടിലോ കൊടും തണുപ്പിലോ ഫോണ് ഉപയോഗിക്കുന്നതില് ചില മുന്നറിയിപ്പുകള് നല്കാറുണ്ട്. ചൂട് കൂടുതലുള്ളപ്പോള് തെര്മോഡൈനാമിക്സ് അവസ്ഥയിലെ വൈദ്യുതി നഷ്ടം കാരണം ഫോണ് മികച്ച രീതിയില് പ്രവര്ത്തിക്കില്ല.
ഇത് വേഗത്തിലുള്ള ബാറ്ററി ശോഷണത്തിനും ലിഥിയം-അയണ് ബാറ്ററിക്ക് കേടുപാടുകള് വരുത്താനും ഇടയാക്കും. സൂര്യപ്രകാശം നേരിട്ട് പതിക്കുന്നത് പോലെയുള്ള കടുത്ത ചൂടുള്ള സാഹചര്യങ്ങളില് ഫോണ് ഉപയോഗിക്കുന്നത് ഒഴിവാക്കുക. അതിശൈത്യത്തില് ഫോണ് ഉപയോഗിക്കുന്നതും ബാറ്ററിയുടെ ആയുസ് പെട്ടെന്ന് കുറയുന്നതിന് കാരണമാകും. എന്നാല് അനുയോജ്യമായ അവസ്ഥയിലേക്ക് മടങ്ങുന്നത് ബാറ്ററിയുടെ സാധാരണ പ്രവര്ത്തനം പുനഃസ്ഥാപിക്കും.
എങ്കിലും ഇത് ദീര്ഘകാലാടിസ്ഥാനത്തില് ദോഷകരമായി ബാധിക്കും. ഫോണ് ചാര്ജ് ചെയ്യുമ്പോള് അതിന്റെ കെയ്സ് ഉപയോഗിക്കുന്നത് ഫോണ് അമിതമായി ചൂടാകുന്നതിനും കാര്യക്ഷമത കുറയുന്നതിനും ഇടയാക്കും. നിങ്ങളുടെ ഫോണ് ചാര്ജ് ചെയ്യുമ്പോഴെല്ലാം പ്രത്യേകിച്ച് ഫാസ്റ്റ് ചാര്ജിംഗ് സമയത്ത് പ്ലഗ് ഇന് ചെയ്യുന്നതിന് മുമ്പ് കെയ്സ് മാറ്റി വെക്കുന്നതാണ് ഉത്തമം.
ഫോണ് ബാറ്ററി 25 ശതമാനത്തില് കുറയാന് അനുവദിക്കാതിരിക്കുക എന്നതാണ് മറ്റൊരു പോംവഴി. സമാനമായി പ്ലഗ് ഇന് ചെയ്ത് 75-80% വരെയെങ്കിലും ചാര്ജ് ചെയ്തതിന് ശേഷമെ ഇത് എടുക്കാന് പാടുള്ളൂ. ഇത് ബാറ്ററിയുടെ സമ്മര്ദ്ദം കുറയ്ക്കും. മൊബൈല് ഡാറ്റ ആവശ്യമുള്ളപ്പോള് മാത്രം ഉപയോഗിക്കുക. കൂടാതെ 5ജി വേഗത ആവശ്യമില്ലെങ്കില് ബാറ്ററി ലാഭിക്കാന് 4ജി എല്ടിഇയിലേക്ക് മാറുക.
-
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത്
Click it and Unblock the Notifications
Sign in with Google