ഇനി രഹസ്യ സ്വഭാവമുള്ള വോയ്സ് മെസേജുകൾ മനസ്സമാധാനത്തോടെ അയക്കാം; വാട്സാപ്പിൽ പുത്തൻ ഫീച്ചർ
പുതിയ ഫീച്ചറുമായി വാട്സ്ആപ്പ്. വോയ്സ് മെസേജുകൾക്കായി വ്യൂ വൺസ് എന്ന് പുതിയ ഫീച്ചർ ആണ് വാട്സ്ആപ്പ് അവതരിപ്പിക്കുന്നത്. ഒരു തവണ കേട്ട് കഴിഞ്ഞാൽ അപ്രത്യക്ഷമാകുന്ന വോയ്സ് മെസേജ് അയക്കാൻ ഈ ഫീച്ചർ നിങ്ങളെ സഹായിക്കും. ഇത് 2021 ൽ ഫോട്ടോകൾക്കും വീഡിയോയകൾക്കുമായി അവതരിപ്പിച്ച വ്യൂ വൺസ് ഫീച്ചറിന് സമാനമാണ്.
അപ്രത്യക്ഷമാകുന്ന വോയ്സ് നോട്ട്സ് ഫീച്ചർ നിങ്ങളുടെ സന്ദേശങ്ങളിൽ സ്വകാര്യതയുടെ ഒരു അധിക പാളി ചേർക്കുന്നതിനാണ് രൂപകൽപ്പന ചെയ്തിരിക്കുന്നതെന്നും അതിനാൽ വോയ്സ് ക്ലിപ്പ് മറ്റൊരാൾക്ക് കൈമാറുമെന്ന ഭയം ആവശ്യമില്ല. നിങ്ങൾക്ക് ഈ ഫീച്ചർ ഓണാക്കി വോയ്സ് ക്ലിപ്പ് ആശങ്ക കൂടാതെ അയക്കാം.
ഫീച്ചർ പ്രഖ്യാപിച്ച് ബ്ലോഗ് പോസ്റ്റിൽ അപ്രത്യക്ഷമാകുന്ന വോയ്സ് സന്ദേശം അയക്കാൻ നിങ്ങൾ ആഗ്രഹിക്കുന്ന നിരവധി സാഹചര്യങ്ങൾ ഉണ്ടെന്ന് വാട്സ്ആപ്പ് പറയുന്നു. ഉദാഹരണത്തിന്, ഒരു സുഹൃത്തുമായി സെൻസിറ്റീവ് വിശദാംശങ്ങൾ പങ്കിടാൻ നിങ്ങൾ അത് ഉപയോഗിക്കാൻ ആഗ്രഹിച്ചേക്കാം, അല്ലെങ്കിൽ നിങ്ങൾ ഒരു സർപ്രൈസ് ആസൂത്രണം ചെയ്യുമ്പോൾ നിങ്ങളുടെ സന്ദേശം മറ്റാരും കേൾക്കാൻ നിങ്ങൾ ആഗ്രഹിക്കില്ല.
ഒരു സുഹൃത്തിന് ക്രെഡിറ്റ് കാർഡ് വിശദാംശങ്ങൾ നൽകുന്നതിനും ഒരു സർപ്രൈസ് നൽകുന്നതിനും ഈ ഫീച്ചർ ഉപയോഗിക്കാം. വ്യൂ വൺസ് എന്ന വോയ്സ് മെസ്സേജുകൾ വൺ ടൈ ഐക്കൺ ഉപയോഗിച്ച് അയക്കാം. ഇത് ഒരു തവണ മാത്രമെ പ്ലേ ചെയ്യാൻ പറ്റുകയുള്ളൂ.
അപ്രത്യക്ഷമാകുന്ന വോയ്സ് മെസേജ് അയക്കുന്നതിന് നിങ്ങളുടെ സന്ദേശം സാധാരണ പോലെ റെക്കോർഡ് ചെയ്ത് അയക്കുന്നതിന് മുമ്പ് പുതിയ വൺ ടൈം ഐക്കണിൽ ടാപ്പ് ചെയ്യണം. സ്വീകർത്താവിന് ഒരിക്കൽ മാത്രമെ സന്ദേശം കേൾക്കാൻ കഴിയൂ. തുടർന്ന് അവരുടെ ചാറ്റിൽ നിനവ്ന് ആ വോയ്സ് അപ്രത്യക്ഷമാകും.
നിങ്ങളുടെ എല്ലാ വ്യക്തിഗത സന്ദേശങ്ങളേയും പോലെ വാട്സ്ആപ്പ് നിങ്ങളുടെ വോയ്സ് സന്ദേശങ്ങളെ ഡിഫൾട്ടായി എൻഡ് ടു എൻഡ് എൻക്രിപ്ഷൻ ഉപയോഗിച്ച് സംരക്ഷിക്കുന്നു, അയക്കുന്ന ആൾക്കും സ്വീകരിക്കുന്ന ആൾക്കും മാത്രമെ അതിൽ ആക്സസ് ഉള്ളൂ.
ഈ ഫീച്ചര് വരും ദിവസങ്ങളിൽ ആഗോളതലത്തിൽ ലഭ്യമാകുമെന്നാണ് റിപ്പോർട്ട്. സമീപ വർഷങ്ങളിൽ വാട്ട്സ്ആപ്പ് അവതരിപ്പിച്ച സ്വകാര്യത കേന്ദ്രീകൃത ഫീച്ചറുകളുടെ പരമ്പരയിലെ ഏറ്റവും പുതിയതാണ് അപ്രത്യക്ഷമാകുന്ന ശബ്ദ സന്ദേശങ്ങൾ
Click it and Unblock the Notifications
Sign in with Google