വാട്സ്ആപ്പിൾ അടിപൊളി ഫീച്ചർ എത്തി; ഇത് എന്തായാലും തകർത്തുവാരും; വിശദമായി അറിയാം
വാട്ട്സ്ആപ്പ് ഔദ്യോഗികമായി ഒരു പുതിയ വോയ്സ് ചാറ്റ് ഫീച്ചർ പുറത്തിറക്കിയിരിക്കുകയാണ്. ഉപയോക്താക്കൾക്ക് വലിയ ഗ്രൂപ്പുകൾ ആയി ഒരേസമയം തടസ്സമില്ലാതെ സംസാരിക്കാം.
വോയ്സ് കോളില് നിന്നും വോയ്സ് നോട്ടിൽ നിന്നും വ്യത്യമാണ് വോയ്സ് ചാറ്റ്. വോയ്സ് ചാറ്റ് ആരംഭിക്കുമ്പോൾ ഒരോ ഗ്രൂപ്പ് അംഗത്തിനും വ്യക്തിഗതമായി റിംഗ് ചെയ്യില്ല ഒരു നിശബ്ദ അറിയിപ്പ് ലഭിക്കും. കൂടാതെ എപ്പോൾ വേണമെങ്കിലും വോയ്സ് ചാറ്റിൽ ചേരാൻ തിരഞ്ഞെടുക്കാം.
വാട്ട്സ്ആപ്പ് പറയുന്നതനുസരിച്ച്, തിരക്കുള്ള സമയത്തോ അല്ലെങ്കിൽ ചാറ്റിൽ ജോയിൻ ചെയ്യാൻ ആഗ്രഹിക്കാത്ത ആളുകൾക്കോ പുതിയ ഫീച്ചർ തടസ്സമുണ്ടാക്കില്ല. കൂടാതെ, പുതിയ വോയ്സ് ചാറ്റ് ഫീച്ചർ ആളുകൾക്ക് ആവശ്യാനുസരണം സംഭാഷണങ്ങളിൽ ഏർപ്പെടാനും പുറത്തുപോകാനും എളുപ്പമാക്കുന്നു. ഉദാഹരണത്തിന്, ആരെങ്കിലും ഒരു മീറ്റിംഗിലാണെങ്കിലും കുറച്ച് മിനിറ്റ് പോകണമെങ്കിൽ, വോയ്സ് ചാറ്റിൽ നിന്ന് പുറത്തുപോകാൻ അവർക്ക് ചാറ്റ് ബബിൾ ടാപ്പ് ചെയ്യാം.
അവർ തിരികെ വരാൻ തയ്യാറാകുമ്പോൾ, വീണ്ടും ചേരുന്നതിന് ചാറ്റ് ബബിൾ വീണ്ടും ടാപ്പ് ചെയ്യാം. ഡിസ്കോർഡിലെ വോയ്സ് ചാറ്റ് ഫീച്ചറിന് സമാനമായി , വാട്ട്സ്ആപ്പ് ഉപയോക്താക്കളെ ഏത് സമയത്തും ചേരാനും പോകാനും അനുവദിക്കും. കോൾ നിയന്ത്രണങ്ങൾ ഗ്രൂപ്പ് ചാറ്റിന്റെ മുകളിൽ ആണ് . അതിനാൽ വോയ്സ് ചാറ്റ് പുരോഗമിക്കുമ്പോൾ ഉപയോക്താക്കൾക്ക് സന്ദേശം അയയ്ക്കാൻ കഴിയും.
വാട്സ് ആപ്പിൽ ൽ വോയിസ് ചാറ്റ് ആരംഭിക്കുന്നത് :
നിങ്ങൾക്ക് വോയ്സ് ചാറ്റ് ആരംഭിക്കേണ്ട ഗ്രൂപ്പ് ചാറ്റ് തുറക്കുക.
സ്ക്രീനിന്റെ മുകളിൽ വലത് കോണിലുള്ള ഫോൺ ഐക്കണിൽ ടാപ്പ് ചെയ്യുക.
വോയ്സ് ചാറ്റ് ആരംഭിക്കുക ടാപ്പ് ചെയ്യുക.
വോയ്സ് ചാറ്റിൽ ചേരാൻ ക്ഷണിച്ചുകൊണ്ട് ഗ്രൂപ്പ് അംഗങ്ങൾക്ക് ഒരു പുഷ് അറിയിപ്പ് ലഭിക്കും.
സ്ക്രീനിന്റെ താഴെയുള്ള ബാനറിൽ ആരാണ് വോയ്സ് ചാറ്റിൽ ചേർന്നതെന്ന് നിങ്ങൾക്ക് കാണാൻ സാധിക്കും.
ഒരു വോയ്സ് ചാറ്റ് ഉപേക്ഷിക്കാൻ, റെഡ് ക്രോസ് ബട്ടൺ ടാപ്പുചെയ്യുക.
Click it and Unblock the Notifications
Sign in with Google